Butunjahon taekvondo federatsiyasi 2024-yilning eng yaxshilarini eʼlon qildi.
WT sportchilar va murabbiylarning ovoz berish natijalarini taqdim etgan. Unga ko‘ra, “yilning eng yaxshi erkak sportchisi” nominatsiyasida ikki karra Olimpiya o‘yinlari g‘olibi Ulug‘bek Rashitov g‘olib bo‘ldi.
Taqdirlash marosimi Gonkongda davom etayotgan pumse bo‘yicha Jahon chempionati doirasida bo‘lib o‘tdi. Ulug‘bek Rashitov Butunjahon taekvondo federatsiyasi bosh kotibi Seo Jeongkangdan o‘z sovrinini qabul qilib oldi.
Shuningdek, boshqa nominatsiyalar g‘oliblari quyidagicha:
- “Yilning eng yaxshi ayol sportchisi” — Viviana Marton (Vengriya)
- “Yilning eng yaxshi ayol para sportchisi” — Leonor Angelika Espinoza (Peru)
- “Yilning eng yaxshi erkak para sportchisi” — Imamaddin Halilov (Ozarbayjon)
- “Yilning eng yaxshi zarbasi sohibi” — Park Teyejun (Koreya Respublikasi)
- “Yilning eng yaxshi murabbiyi” — Yesbol Sultanov (Tunis)
- “Yilning eng yaxshi para murabbiyi” — Endryu Dir (Buyuk Britaniya)
- “Yilning eng yaxshi Olimpiya hakami” — Mohamedali Elsayed (Misr)
- “Yilning eng yaxshi Paralimpiya hakami” — Paula Ramires Ruis (Ispaniya)
Izoh (0)