Xanchjou-2022 XIX yozgi Osiyo va IV Para Osiyo o‘yinlarida g‘olib va sovrindor bo‘lgan sportchilar, ularni tayyorlagan murabbiylarni taqdirlash marosimi bo‘lib o‘tdi.
Prezident qarori va O‘zbekiston Respublikasi Vazirlar Mahkamasining tegishli farmoyishiga binoan oltin medalni qo‘lga kiritgan sportchilar 10 000, kumush medal egalari 5 000, bronza medali sohiblari 2500 dollar; ularning murabbiylari esa ushbu summalarning teng yarmi miqdorida, mos ravishda 5 000, 2500 hamda 1250 dollar miqdoridagi bir martalik pul mukofotlari bilan taqdirlanishdi.
Tadbirda so‘z olgan taekvondo WT bo‘yicha Osiyo o‘yinlari chempioni Ulug‘bek Rashitov va boks bo‘yicha O‘zbekiston terma jamoasi bosh murabbiyi To‘lqin Qilichev, shuningdek, para yengil atletika bahslarida 1 ta oltin va 2 ta bronza medallarini qo‘lga kiritgan Asila Mirzayorova hamda para kanoe bo‘yicha O‘zbekiston terma jamoasi murabbiyi Dilshod Yo‘ldoshev ushbu eʼtibor va g‘amxo‘rlik yangi Olimpiya yili oldidan katta motivatsiya bo‘lishini taʼkidlab, kelgusida bundan ham ulkan g‘alabalar sari mehnat qilishlarini bildirdi.
Izoh (0)