Parij Olimpiadasida taekvondo uchrashuvlari boshlandi.
O‘zbekistonlik sportchi Ulug‘bek Rashitov nimchorak final doirasida Gonkong vakili Lo Vay Fungga qarshi bahs olib bordi.
Hamyurtimiz bilan kurashish uchun Lo Vay Fung ilk davra bosqichida qochqinlar jamoasi vakili Yaxya Al Gotanini 2:0 (14:0, 16:4) hisobida taslim etishi kerak bo‘ldi.
Ulug‘bek gongkonlik raqibini birinchi bo‘limda 12:0 hisobida mag‘lub etdi. Ikkinchi bo‘lim ham to‘liq Ulug‘bek ustunligida o‘tdi va yakunda o‘zbekistonlik sportchi chorak finalga yo‘l oldi.
Ma’lumot uchun, Ulug‘bek ushbu bahslarda birinchi raqamli etib saralangan.
Ulug‘bek Rashitov 2002-yil 23-martda tug‘ilgan. Murabbiyi—Xan Pavel. Tajribali o‘zbek taekvondochisi Tokio Olimpiadasi g‘olibi hisoblanadi. 2023-yil Bokuda bo‘lib o‘tgan Jahon chempionatida bronza medalini qo‘lga kiritgan.
Izoh (0)