Isroil zaxiradagi askarlarni harbiy xizmatga chaqirmoqda

Isroil armiyasi “kuchlar yetishmovchiligi” sababli zaxiradagi askarlarini harbiy xizmatga chaqirmoqda. Bu haqda Anadolu xabar berdi.

“Mudofaa vaziri Yoav Gallant kuch yetishmasligi sababli harbiy xizmatdan ozod etilgan va chaqiruv yoshidagi zaxiradagi askarlarni xizmatga chaqirish to‘g‘risida farmoyish berdi”, deydi yahudiy davlati armiyasi.

Qaror muntazam, zaxiradagi kuchlarning holati va jangovar shayligini baholash, shuningdek, harbiy xizmatchilar sonini ko‘paytirish rejalari doirasida qabul qilingan. Armiya tayyorgarlik tugagandan so‘ng zaxiradagi askarlardan arizalarni qabul qilishni boshlaydi. Qaytish uchun yaroqli deb topilgan shaxslar zarur bo‘lganda turli bo‘linmalarga taqsimlanadi.

Avvalroq Isroilning artilleriya qo‘shinlari qo‘mondonligi bir necha oy davom etgan G‘azodagi operatsiyadan so‘ng tanklar yetishmayotganini tan olgandi. Artilleriya qo‘shinlarining ayol harbiylari operatsiyada qatnashish bo‘yicha murojaat qilgan, ammo rad javobini olgandi. 

“Armiyadagi tanklar soni urush va ayollarni jalb qilgan holda o‘tkaziladigan tajribalar uchun yetarli emas, biz arsenalni ko‘paytirish ustida ishlamoqdamiz. Isroil armiyasi askarlar yetishmasligini qoplash uchun juda ko‘p odamlarni armiyaga jalb qilmoqda va urush paytida yuqoridagi tajribalar uchun yetarli odamni ta’minlay olmaydi”, deyilgan xabarda.