Eron va Isroil o‘rtasidagi ziddiyatning kuchayishi, G‘azodagi urush Yaqin Sharqda mintaqaviy miqyosda oldindan aytib bo‘lmas tahdidlarni yuzaga keltirishi mumkin. Isroil yadro quroliga egaligi, Eron ham shunday qurolni yaratish uchun yetarli darajada uranni boyitayotgani haqidagi xabarlar global vaziyat jiddiylashganiga ishora qiladi.
2001-yilda amerikalik teleboshlovchi Aleks Jons teleko‘rsatuvlaridan birida Isroil yadro urushi boshlashi mumkinligini prognoz qilgandi. U falastinliklarni qo‘llab-quvvatlamasligi, lekin Isroilning falastinliklarga nisbatan g‘ayriinsoniy harakatlarini oqlab bo‘lmasligini ta’kidlagan.
“Isroil falastinliklarni qoramol, it yoki g‘ayriinsoniy deb ataydi. Ular konslagerlarda saqlanadi. Menda ular falastinlik ayollar ekkan pomidorlarni olib, suv idishlarini sindirgani aks etgan video bor. Bema’nilik shunday paydo bo‘ladi, bolalarimiz o‘ladi, chunki yadroviy bomba portlatishadi. Hozir Eron yadro quroliga ega, Suriya ham. Bizda yadro urushi bo‘ladi. Chunki Isroil hammani bombardimon qilishni yaxshi ko‘radi”, — degan Jons.
U yuqoridagi ma’lumotlar fakt ekani, Isroil hamma narsani portlatish, hujum qilish haqida bayonot berishini aytgan va bomba kimning boshiga qulashini o‘ylab ko‘rishga chaqirgan.
“Yillar davomida Isroilni qo‘llab-quvvatlashga sobit bo‘lganman. Biroq, ular falastinlik yosh bolaning jinsiy a’zosiga o‘q uzib, uni videoga olib, masxara qilganini ko‘rganimda ishonchim qolmagan. Taxminan 10 yoshli falastinlik bola tanklarga tosh otib aylanib yurganida, bir yigit yarim milda to‘xtab, unga qarata o‘q uzgan. Ushbu hukumatni qo‘llab-quvvatlovchi arab hukumatlari tartibsizlikdan tartib o‘rnatish uchun murakkab “Gegel dialektikasi”dan foydalanmoqda. Bu dunyoda inqirozlar va terrorizmga olib keladi, shunda biz o‘ta diktator politsiya rejimini qabul qilamiz. Bu hozir sodir bo‘lmoqda”, — degan u.
O‘z navbatida, Usama bin Ladenga hujum bo‘lishini bashorot qilgan amerikalik nazariyotchi, radio boshlovchi Milton Villian Isroil haqida quyidagilarni aytgan. Uning bashorati 2001-yil 11-sentyabrdagi fojiali voqealar bilan amalga oshgan.
“Isroil Armageddon jangini (yaxshilik va yovuzlik kuchlari o‘rtasidagi so‘nggi jang sifatida tasvirlangan) olib borish maqsadida qurol sifatida yaratilgan...Ularga urushni to‘xtatishning yagona yo‘li xalqlar suverenitetini yo‘q qilish va yagona insoniyat sifatida yagona hukumatda birlashish ekani aytiladi”, — degan edi nazariyotchi Villiam.
Izoh (0)