Prezident farmoni bilan Ruslanbek Davletov prezidentning ijtimoiy-siyosiy, diniy-maʼrifiy va yoshlar masalalari bo‘yicha maslahatchisi lavozimiga tayinlandi.
Shu munosabat bilan prezidentning ijtimoiy-siyosiy rivojlanish masalalari bo‘yicha maslahatchisi lavozimidan ozod etildi.
Abdusalom Azizov prezidentining ijtimoiy-siyosiy, diniy-maʼrifiy va yoshlar masalalari bo‘yicha maslahatchisining yoshlar masalalari bo‘yicha o‘rinbosari lavozimiga tayinlandi.
Suxrob Yusupov prezidentning ijtimoiy-siyosiy, diniy-maʼrifiy va yoshlar masalalari bo‘yicha maslahatchisi o‘rinbosari lavozimiga tayinlandi. Shu munosabat bilan prezidentning ijtimoiy-siyosiy rivojlanish masalalari bo‘yicha maslahatchisi o‘rinbosari lavozimidan ozod etildi.
Adxam Turdiyev prezidentning ijtimoiy-siyosiy, diniy-maʼrifiy va yoshlar masalalari bo‘yicha maslahatchisi o‘rinbosari lavozimiga tayinlandi. Shu munosabat bilan Prezident administratsiyasi sho‘basi mudiri lavozimidan ozod etildi.
Muzaffar Kamilov boshqa ishga o‘tishi munosabati bilan prezidentning din va millatlararo munosabatlar masalalari bo‘yicha maslahatchisi lavozimidan ozod etildi.
Olim Saliyev boshqa ishga o‘tishi munosabati bilan prezidentning din va millatlararo munosabatlar masalalari bo‘yicha maslahatchisi o‘rinbosari lavozimidan ozod etildi.
Avvalroq Abdusalom Azizov DXX raisligidan bo‘shatilib, Xavfsizlik kengashi kotibiyati kadrlar ixtiyoriga o‘tkazilgandi. Azizov (1960-yilda tug‘ilgan) 2019-yil fevralidan buyon Davlat xavfsizlik xizmati rahbari lavozimida ishlab kelayotgandi. Bungacha u 2017-yilning sentyabridan Mudofaa vazirligini boshqarib kelgan.
2002—2006-yillarda “O‘zbekneftgaz” milliy xolding kompaniyasi boshqaruvi raisi bo‘lgan.
2006-yil sentyabridan 2008-yil noyabrigacha “O‘zneftmahsulot” korxonasini (“O‘zbekneftgaz” sho‘ba korxonasi) boshqargan.
2008-yilning noyabr oyida u Ichki ishlar vazirligiga qaytib, o‘sha yilning noyabr-dekabr oylarida ichki ishlar vaziri o‘rinbosari, 2008-yilning dekabridan 2009-yilning dekabriga qadar — ichki ishlar vazirining birinchi o‘rinbosari lavozimlarida faoliyat yuritgan.
2009—2017-yillarda Jizzax viloyati IIB boshlig‘i lavozimida ishlagan.
Izoh (0)