Абдусалом Азизов президент маслаҳатчиси ўринбосари этиб тайинланди

Президент фармони билан Русланбек Давлетов президентнинг ижтимоий-сиёсий, диний-маърифий ва ёшлар масалалари бўйича маслаҳатчиси лавозимига тайинланди. 

Шу муносабат билан президентнинг ижтимоий-сиёсий ривожланиш масалалари бўйича маслаҳатчиси лавозимидан озод этилди.

Абдусалом Азизов президентининг ижтимоий-сиёсий, диний-маърифий ва ёшлар масалалари бўйича маслаҳатчисининг ёшлар масалалари бўйича ўринбосари лавозимига тайинланди.

Сухроб Юсупов президентнинг ижтимоий-сиёсий, диний-маърифий ва ёшлар масалалари бўйича маслаҳатчиси ўринбосари лавозимига тайинланди. Шу муносабат билан президентнинг ижтимоий-сиёсий ривожланиш масалалари бўйича маслаҳатчиси ўринбосари лавозимидан озод этилди.

Адхам Турдиев президентнинг ижтимоий-сиёсий, диний-маърифий ва ёшлар масалалари бўйича маслаҳатчиси ўринбосари лавозимига тайинланди. Шу муносабат билан Президент администрацияси шўбаси мудири лавозимидан озод этилди.

Музаффар Камилов бошқа ишга ўтиши муносабати билан президентнинг дин ва миллатлараро муносабатлар масалалари бўйича маслаҳатчиси лавозимидан озод этилди.

Олим Салиев бошқа ишга ўтиши муносабати билан президентнинг дин ва миллатлараро муносабатлар масалалари бўйича маслаҳатчиси ўринбосари лавозимидан озод этилди.

Аввалроқ Абдусалом Азизов ДХХ раислигидан бўшатилиб, Хавфсизлик кенгаши котибияти кадрлар ихтиёрига ўтказилганди. Азизов (1960 йилда туғилган) 2019 йил февралидан буён Давлат хавфсизлик хизмати раҳбари лавозимида ишлаб келаётганди. Бунгача у 2017 йилнинг сентябридан Мудофаа вазирлигини бошқариб келган.

2002—2006 йилларда “Ўзбекнефтгаз” миллий холдинг компанияси бошқаруви раиси бўлган.

2006 йил сентябридан 2008 йил ноябригача “Ўзнефтмаҳсулот” корхонасини (“Ўзбекнефтгаз” шўба корхонаси) бошқарган.

2008 йилнинг ноябрь ойида у Ички ишлар вазирлигига қайтиб, ўша йилнинг ноябрь декабрь ойларида ички ишлар вазири ўринбосари, 2008 йилнинг декабридан 2009 йилнинг декабрига қадар — ички ишлар вазирининг биринчи ўринбосари лавозимларида фаолият юритган.

2009—2017 йилларда Жиззах вилояти ИИБ бошлиғи лавозимида ишлаган.