Superliga. “Bunyodkor” o‘z maydonida “Olimpik”ni yenga olmadi, “Paxtakor” safarda “Turon” ustidan minimal g‘alabaga erishdi

Futbol bo‘yicha O‘zbekiston Superligasining 9-turidan o‘rin olgan ikki o‘yin 6-may, shanba kuni bo‘lib o‘tdi.

“Bunyodkor” o‘z maydonida “Olimpik”ni qabul qildi. Uchrashuvning 5-daqiqasida mehmonlar futbolchisi Otabek Jo‘raqo‘ziyev hisobni ochdi. Ikkinchi bo‘limda esa “Bunyodkor” muvozanatni tikladi. 71-daqiqada Jasur Hakimov o‘z hisobiga gol yozdirib qo‘ydi.

“Bunyorkor” ushbu durang natijadan so‘ng ochkolari sonini 15 taga yetkazib, 4-o‘rinda bormoqda, “Olimpik” esa 11 ochko bilan 7-o‘rinni band etgan.

“Paxtakor” esa “Turon” maydoniga safar qildi. Uchrashuvning 40-daqiqasida Dragan Cheranning penaltidan foydalanib, urgan goli toshkentliklarga g‘alaba keltirdi. 

“Paxtakor” 3 ochkoni qo‘lga kiritib, 18 ochko bilan birinchi o‘rinda mustahkam joylashgan. “Turon” esa 3 ochko bilan eng so‘nggi o‘rindan joy olgan. 

Superliga

9-tur bahslari

6-may, shanba

“Bunyodkor” – “Olimpik” 1:1

Gollar 0:1 — 5 Otabek Jo‘raqo‘ziyev, 1:1 — 71 Jasur Hakimov.

“Bunyodkor”: 32. Suhrob Sultonov, 2. Aleksey Nosko, 6. Avazbek O‘lmasaliyev, 7. Akbarjon Ismatullayev (57. Amir To‘raqulov 72), 8. Shohruhbek Abdurahmonov, 10. Rasul Yo‘ldoshev (15. Jasur Hakimov 46), 11. Igor Ivanovich (99. Umidbek Sultonov 77), 22. Usmonali Ismonaliyev, 29. Muzaffar Olimjonov (3. Mahmudjon Mahammadjonov 46), 33. Doniyor Abdumannopov (17. Viktor Sotnikau 86), 34. Suhrob Izzatov.

“Olimpik”: 13. Hamidullo Abdunabiyev,  2. Saidazamat Mirsaidov, 4. Odilbek Abdumajidov, 6. Behzod Shamsiyev, 7. Ruslanbek Jiyanov (37. Alisher Odilov 62), 10. Farruhbek Muxtorov (21. Muhammadaziz Ibrohimov 62), 11. Otabek Jo‘raqo‘ziyev (15. Mustafo Abdumannopov 78), 17. Temur Mamasidiqov (19. Ahmadullo Muqumjonov 78), 23. Abdurauf Bo‘riyev, 30. Jasur Jaloliddinov (9. Muhammadali G‘iyosov 65), 44. Asadbek Rahimjonov.

Ogohlantirishlar: Farruhbek Muxtorov (31), Doniyor Abdumannopov (43).

“Turon” – “Paxtakor” 0:1

Gol: 0:1 — 40 Cheran (penalti).

“Turon”: 35. Rahimjon Davronov, 4. Asliddin Toshtemirov, 7. Azim Ahmedov, 10. Humoyun Murtozayev (88. Milan Boyovich, 57), 15. Nikola Kumburovich, 17. Quvondiq Ro‘ziyev, 18. Abdug‘ani Kamolov, 19. Sardor Abduraimov (22. Dushan Stoilkovich, 57), 21. Azamjon Aliyev (49. Zakariya Beglarishvili, 79), 44. Anri Chichinadze, 77. Bilolxon Toshmirzayev.

“Paxtakor”: 35. Sanjar Quvvatov, 3. Hojiakbar Alijonov, 5. Muhammadqodir Hamraliyev, 7. Odiljon Hamrobekov, 8. Azizbek Turg‘unboyev, 10. Dragan Cheran, 14.Abbos Fayzullayev, 17. Dostonbek Hamdamov, 27. Sardor Sobirxo‘jayev, 28. Diyor Xolmatov, 34. Farruh Sayfiyev.

Ogohlantirishlar: Farruh Sayfiyev (68), Azim Ahmedov (78), Nikola Kumburovich (78).