Futbol bo‘yicha O‘zbekiston yoshlar va o‘smirlar terma jamoalari 25-aprel, seshanba kuni o‘rtoqlik uchrashuvlarida ishtirok etdi.
O‘zbekiston U-17 terma jamoasi Toshkentdagi “Lokomotiv” stadionida Yaman jamoasiga qarshi maydonga tushdi. O‘yinning 11-daqiqasida Yaman futbolchisi Ahmed al-Hajj o‘z darvozasini ishg‘ol qilib qo‘ydi. 45-daqiqada esa Lazizbek Mirzayev hisobni mustahkamladi.
Ikkinchi bo‘limni yamanliklar gol bilan boshladi. 47-daqiqada Abbos Ali Basarrea hisobni 2:1 ko‘rinishiga keltirdi. 67-daqiqada Quvonchbek Abrayev penaltidan gol urdi. Dilshodbek Abdullayev 85 va 89-daqiqalarda gol urib, hisob yirik 5:1 bo‘lishini ta’minladi.
O‘zbekiston U-20 terma jamoasi esa Dominikanga qarshi o‘yin o‘tkazdi. Uchrashuvning 20-daqiqasida Shahzod Rahmatullayev gol urgan bo‘lsa, 40-daqiqada Po‘latxo‘ja Xoldorxonov penaltini aniq amalga oshirdi. Ikkinchi bo‘limda Abbos Fayzullayev ham penaltidan gol kiritdi va hisobni yirik ko‘rinishga keltirdi.
Avvalroq Ravshan Xaydarov shogirdlari o‘rtoqlik uchrashuvida Braziliyaga yirik hisobda mag‘lub bo‘lgandi.
O‘rtoqlik uchrashuvlari
25-mart, seshanba
O‘zbekiston U-17 — Yaman U-17 5:1
Gollar: 1:0 — 11, avtogol Ahmed al-Hajj, 2:0 — 45 Mirzayev, 2:1 — 47 Ali Basarrea, 3:1 — 67 Abrayev (pen), 4:1 — 85 Abdullayev, 5:1 — 89 Abdullayev.
O‘zbekiston U-20 — Dominikan U-20 3:0
Gollar: 1:0 — 20 Rahmatullayev, 2:0 — 40 Xoldorxonov (pen), 3:0 — 75 Fayzullaev.
Izoh (0)