Futbol bo‘yicha O‘zbekiston Superligasining 6-turida “Paxtakor” 15-aprel, shanba kuni “So‘g‘diyona”ga qarshi bahs olib bordi.
Uchrashuvning 6-daqiqasidayoq “sherlar” bir kishi kam bo‘lib qoldi. Doston Tursunov qizil kartochka olib, maydonni tark etdi. 33-daqiqada “Paxtakor” hisobni ochdi. Toshkentliklar futbolchisi Abbosbek Fayzullayev o‘z nomiga gol yozdirib qo‘ydi. Birinchi bo‘lim so‘ngida Dragan Cheran penaltidan unumli foydalanib, hisobni ishonchli ko‘rinishga olib keldi. O‘yin yakunida Zenan Zaymovich hisobni qisqartirdi. Biroq bu gol jizzaxliklarga yetarli bo‘lmadi.
Maksim Shatskix jamoasi ushbu g‘alabadan so‘ng ochkolari sonini 12 taga yetkazib, 5-pog‘onaga ko‘tarildi. Jizzaxliklar esa 2 ochko bilan musobaqa jadvalining so‘nggi o‘rnidan joy olgan.
Superliga
6-tur bahsi
15-aprel, shanba
“Paxtakor” – “So‘g‘diyona” 2:1
Gollar: 1:0 — 33 Abbosbek Fayzullayev, 2:0 — 43 Dragan Cheran (penalti), 2:1 — 90+5 Zenan Zaymovich.
“Paxtakor”: 35. Sanjar Quvvatov, 3. Hojiakbar Alijonov, 4. Doston Tursunov, 5. Muhammadqodir Hamraliyev, 7. Odiljon Hamrobekov, 8. Azizbek Turg‘unboyev, 10. Dragan Cheran, 14. Abbos Fayzullayev, 17. Doston Hamdamov (9. Sardor Rashidov, 71) 27. Sardor Sobirxo‘jayev, 88. Shahzod Azmiddinov.
“So‘g‘diyona”: 27. Milan Mitrovich, 4. Elyor Orifov (15. Toriq Isich, 67), 5. Ayubxon No‘monov (18. Mirjalol Abdumutalov,46), 6. Alisher Salimov (9. Zenan Zaymovich, 45), 10. Javohir Qahramonov, 11. Jasur Hasanov (17. Muhammad Yuldashev, 78), 12. Xislat Xalilov, 14. Boburbek Yo‘ldoshev, 22. Sanjar Shoahmedov, 28. Stanislav Andreyev, 93. Marko Kolakovich.
Ogohlantirishlar: Alisher Salimov (30), Marko Kolakovich (41), Azizbek Turg‘unboyev (45+4), Abbos Fayzullayev (70), Dragan Cheran (77).
Chetlatish: Doston Tursunov (6).
Izoh (0)