Futbol bo‘yicha yoshlar o‘rtasidagi Jahon chempionati 3-turida O‘zbekiston U-20 terma jamoasi 26-may kuni Gvatemalaga qarshi bahs olib bordi.
Uchrashuvning 9-daqiqasidayoq hisob ochildi. Shahzodbek Ne’matjonov o‘zbekistonliklarning dastlabki goliga mualliflik qildi. 21-daqiqada esa Ne’matjonov dublni rasmiylashtirdi. Birinchi bo‘lim 2:0 hisobi bilan yakunlandi.
Ikkinchi bo‘limda ham Haydarov shogirdlari hujumkorlikni yo‘qotmadi. 81-daqiqada Nodirbek Abdurazzoqov darvozani ishg‘ol qilgandi. Biroq, ushbu gol o‘yindan tashqari holat tufayli bekor qilindi. Qolgan daqiqalarda gol urilmadi va O‘zbekiston yoshlari g‘alabani o‘ziniki qildi.
A guruhining ikkinchi o‘yinida Argentina Yangi Zelandiyani 5:0 hisobida mag‘lub etdi. Shu tariqa Argentina 9 ochko bilan guruh yetakchisi sifatida pley-offga yo‘l olgan bo‘lsa, Ravshan Haydarov jamoasi 4 ochko bilan 2-o‘rinni egalladi va keyingi bosqichga yo‘l oldi.
U-20 JCH—2023
3-tur bahsi
26-may, juma
O‘zbekiston U-20 — Gvatemala U-20 2:0
Gollar: 1:0 — 9 Shahzod Ne’matjonov, 2:0 — 21 Shahzod Ne’matjonov.
O‘zbekiston U20: 12. Asrorbek Kenjayev, 3. Abduqodir Husanov, 4. Abubakir Ashurov, 6. Jahongir O‘rozov, 8. Behruzbek Asqarov (15. Diyorbek Ortiqboyev, 65), 9. Shahzod Ne’matjonov (17. Nodirbek Abdurazzoqov, 71), 10. Umarali Rahmonaliyev, 11. Sherzod Esanov, 13. Zafarmurod Abdirahmatov (2. Izzatillo Po‘latov, 82), 14. Abbos Fayzullayev (7. Po‘latxo‘ja Xoldorxonov, 46), 20. Mahmudjon Mahamadjonov (18. Saidafzalxon Ahrorov, 65).
Gvatemala U-20: 12. Xorxe Moreno, 2. Rendall Korado, 5. Arian Resinos, 7. Daniel Kardoza, 8. Nestor Kabrera, 9. Jeffri Battes, 10. Arximides Ordones (19. Anderson Villagran, 46), 14. Jonatan Franko, 16. Ieshua Urizar, 18. Eddi Palensiya (11. Rudi Munos, 65), 20. Figu Motano.
Ogohlantirishlar: Behruzbek Asqarov (5), Umarali Rahmonaliyev (39), Sherzod Esanov (58), Ieshua Urizar (75), Po‘latxo‘ja Xoldorxonov (90+2).
Izoh (0)