Futbol bo‘yicha yoshlar o‘rtasidagi Jahon chempionati 2-turida O‘zbekiston U-20 terma jamoasi 23-may kuni Yangi Zelandiyaga qarshi bahs olib bordi.
Uchrashuvni o‘zbekistonlik futbolchilar qator hujumlar bilan boshladi, biroq birinchi bo‘lib gol urish Yangi Zelandiya vakillariga nasib etdi. 23-daqiqada Benjamen Uolles okeaniyaliklarni oldinga olib chiqdi.
Shundan keyin Ravshan Haydarov shogirdlari yana hujumga zo‘r berdi. 41-daqiqada Jey Herdman chiroyli gol bilan hisobni ishonchli ko‘rinishga keltirdi.
Ikkinchi bo‘lim boshidan O‘zbekiston futbolchilari oldinga intildi va bu tezda o‘z samarasini berdi: 51-daqiqada Abbosbek Fayzullayev hisobni qisqartirishga erishdi. Hakam tomonidan qo‘shib berilgan vaqtda Sherzod Esanov muvozanatni tiklashga erishdi.
Shu tariqa Yangi Zelandiya ochkolarini 4 taga yetkazib oldi, O‘zbekiston hisobida esa 1 ochko bor. Guruhning keyingi o‘yini Argentina va Gvatemala jamoalari o‘rtasida kechadi.
Haydarov jamoasi 3-turda Gvatemalaga qarshi o‘tkazadi. O‘yin 27-maydan 28-mayga o‘tar kechasi 02:00 da boshlanadi.
U-20 JCH—2023
2-tur bahsi
23-may, seshanba
O‘zbekiston U-20 — Yangi Zelandiya U-20 2:2
Gollar: 0:1 – 23 Uolles, 0:2 – 41 Herdman, 1:2 – 51 Fayzullayev, 2:2 – 90+3 Esanov.
O‘zbekiston U-20: Otabek Boymurodov, Abduqodir Husanov, Jahongir O‘rozov, Po‘latxo‘ja Xoldorxonov (Shahzod Akramov, 90+1), Behruz Asqarov (Rustam Turdimurodov, 68), Umarali Rahmonaliyev, Zafarmurod Abdurahmatov, Abbos Fayzullayev, Diyor Ortiqboyev (Shahzod Ne’matjonov, 83), Nodir Abdurazzoqov (Sherzod Esanov, 46), Mahmud Mahamadjonov (Saidafzalxon Ahrorov, 68).
Yangi Zelandiya U-20: Kis Sims, Isak Hyuz, Finn Shurmen , Fin Konchi, Jey Herdman, Norman Garbet, Everton Oleari (Jekson Jervi, 46), Den MakKey, Benjamen Uolles (Oliver Fey, 81), Kian Donkers, Lukas Kelli-Hold.
Ogohlantirishlar: Rahmonaliyev (10), MakKey (18), Oleari (24), Fayzullayev (86).
Izoh (0)