Bugunga kelib Instagram’da reklama ortidan nafaqat blogerlar, balki san’atkorlar, shou-biznes vakillari ham yaxshigina daromad topadi. Reklama beruvchilar ham ko‘p hollarda san’atkorlar bilan ishlashni afzal ko‘radi. Har bir san’atkorning reklamasi narxi turlicha, ularni birgalikda ko‘rib chiqamiz.
Nilufar Usmonova
Xonanda Nilufar Usmonovaning storis reklamasi narxi 4 000 dollar. Post, ya’ni reels esa 10 000 dollar — unda xonandaning o‘zi reklama videosida ishtirok etadi. Video Instagram’da reklama beruvchining sahifasi bilan kollabaratsiya qilinadi.
Yulduz Usmonova
O‘zbekiston xalq artisti Yulduz Usmonovaning postga reklama joylashi bahosi 5 000 dan 10 000 dollargacha. Xonanda har bir reklama beruvchining mahsulotini o‘rganib chiqadi, ma’qul kelsagina reklama qilib beradi.
Rayhon
O‘zbekistonda xizmat ko‘rsatgan artist Rayhon G‘aniyevaning storis uchun reklama narxi 2 500 dollar etib belgilangan. Postni esa 5 500 dollarga sotib olishingiz mumkin. Rayhon Instagram’da 5 million 200 ming obunachiga ega.
Shukurullo Isroilov
Shukurullo Isroilov mahsulotingizning tayyor videosini sahifasiga joylab berishi narxi 3 000 dollarni tashkil etadi. Qiziqchining o‘zi reklamangizga suratga tushib berib, postiga joylashi narxi esa 5 000 dollar bo‘ladi. Uning ijtimoiy tarmoqdagi obunachilari 1 million 100 ming nafar.
Durdona Qurbonova
Durdona Qurbonova reklamangizni storisga bir marta joylab berishi 1 000, seriyali storisi 1 500 dollarga baholangan. Aktrisa reklama reelsiga 4 500 dollar evaziga suratga tushib beradi. Durdonaning Instagram’da 5 million 700 ming kuzatuvchisi bor.
Mirjalol Ne’matov
Xonanda Mirjalol Ne’matov reklama beruvchilar bilan bir martalik ishlamaydi. U kamida bir oyga shartnoma qiladi — bunda postga xonanda ishtirokida 2 marta video joylanishi narxi 10 000 dollarni tashkil etadi. Storis narxi esa 4 000 dollar — bir oyda 2 marta joylashtiriladi. Reelslar reklama beruvchining sahifasi bilan kollabaratsiya qilinadi. Xonandaning obunachilari Instagram’da 1 millionga yetdi.
Avaz Oxun
Qiziqchi Avaz Oxun reklamangizga suratga tushib, postiga joylab berishi 2 000 dollar. Video mijoz bilan kollabaratsiya qilinsa, narx 4 000 dollarga o‘zgaradi. Unda 2 ta storis ham qo‘yib beriladi, post bir oy davomida qiziqchining sahifasida turadi. So‘z ustasi ijtimoiy tarmoqda 668 ming obunachiga ega.
Sitora Farmonova
Aktrisa va boshlovchi Sitora Farmonova reklamangizni suratga olib, storisga joylab berishi uchun 1 000 dollar to‘lashingiz kerak. Reels narxi esa 3 000 dollarni tashkil etadi. Videoning kollabaratsiya qilinishi mijoz bilan kelishilgan holda amalga oshiriladi.
Shahlo Zoirova
Boshlovchi Shahlo Zoirova storis reklamasi narxi 800 dollar etib belgilangan. Vayn ko‘rinishida videopost joylab berishi uchun esa 3 000 dollar kerak bo‘ladi. Video reklama beruvchining profili bilan kollabaratsiya qilinadi.
Dilnoz Hakimova
Xonanda Dilnoz Hakimova mahsulotingizni storisda 1 200 dollarga, postda 2 500 dollarga reklama qilib beradi. Uning Instagram’dagi obunachilari soni 1 millionni tashkil etadi.
G‘aybulla Tursunov
Xonanda G‘aybulla Tursunovning storisga reklama olib berishi narxi 1 000 dollar. Reels esa agar xonandaning o‘zi suratga tushsa 2 000 dollar, tayyor videoni sahifasiga joylab berishi 1 000 ga baholangan. Uning Instagram’dagi kuzatuvchilari 551 ming nafarni tashkil etadi.
Nilufar Sotiboldiyeva
Nilufar Sotiboldiyeva brendingiz haqida ma’lumot berib, storisiga bir marta joylab berishi narxi 600 dollar. Seriyali stories 800, reels esa 1 500 dollarga baholangan. Teleboshlovchi 399 ming obunachiga ega.
Manzura
Qo‘shiqchi Manzuraning storis reklamasi haqqi 500 dollar. Posti esa 1 500 dollarga baholangan. Video mijoz bilan kollabaratsiya qilinmaydi. Xonandaning Instagram’dagi obunachilari soni 2,6 millionni tashkil etadi.
Izoh (0)