Norvegiyada 40 yil avval vafot etgan futbolchi doping tekshiruviga chaqirildi

Norvegiya antidoping idoralari 1962-yilda vafot etgan Eynar Gundersen va 1983-yilda vafot etgan Yorgen Yuveni tekshirish uchun mamlakat futbol terma jamoasiga yetib keldi. Bu haqda terma jamoa bosh murabbiyi Stole Solbakken ma’lum qildi, deya xabar beradi VG.

“Quyidagi futbolchilar doping tekshiruvi uchun tanlangan: Erling Holand, Yorgen Larsen, Antonio Nusa, Oskar Bobb, Eynar Gundersen va Yorgen Yuve”, dedi Solbakken. — Eynar Gundersen 1962-yilda vafot etgan. Yorgen Yuve 1983-yilda vafot etgan. "Oskar Bobb jarohat sabab uzoq muddatga safdan chiqqan va hozirgi kunda “Barselona”da mashg‘ulot o‘tkazmoqda. Biz hayron bo‘ldik va Antidoping xizmati bilan bog‘landik”.

Antidoping xizmati xatoni tan oldi.

Solbakken bu qanday sodir bo‘lganiga tushunmayotganini ma’lum qildi.

“Unda ular eng yaxshi to‘purarlar ro‘yxatidagi barchani tekshirishi kerak”, deya hazillashdi murabbiy.

Ma’lumot uchun, Yorgen Yuve Norvegiya tarixidagi eng yaxshi to‘purar hisoblanadi. Uning hisobida 33 ta gol bor. Erlan Holand hisobida 31 gol mavjud.

Millatlar Ligasining 1-turida Norvegiya terma jamoasi o‘z maydonida Qozog‘iston termasi bilan o'ynadi va durang qayd etdi.