Norvegiya shimolida oxirgi bir necha kun ichida poyezdlar bilan to‘qnashuvdan so‘ng 100 dan ortiq bug‘u halok bo‘ldi. Bu haqda mamlakatning NRK teleradiokompaniyasi ma’lum qildi, deya xabar beradi “RIA Novosti”.
Teleradiokompaniyaga ko‘ra, uch kun mobaynida faqat mamlakat shimolidagi Xelgelann hududining o‘zida 106 bug‘u poyezd ostida qoldi.
Shundan so‘ng bug‘u egalari temir yo‘llar atrofida to‘siq o‘rnatishni talab qildi. Temir yo‘l rasmiylari vaziyatdan xabardor ekanligi, biroq hozircha to‘siqlar uchun mablag‘ ajratilmaganini bildirdi.
Ma’lumot uchun, 2013—2016-yillarda Norvegiya temir yo‘llarida 2 mingdan ortiq bug‘u halok bo‘lgan edi.
Izoh (0)