Норвегиянинг Нордленд шаҳрида йўловчи поезди рельсдан чиқиб кетди. Дастлабки маълумотларга кўра, воқеа оқибатида жароҳатланганлар бор.
Бу ҳақда TV2 телеканали маълум қилди. Воқеа жойида полиция ва фавқулодда хизматлар ходимлари ишламоқда.
Поезднинг рельсдан чиқиб кетишига тоғдан тошларнинг тушиши сабаб бўлгани айтилмоқда. Локомотивдан ташқари поезд таркибида бешта йўловчи вагони бўлган.
Уларда 50 дан 70 нафаргача одам бўлган. “Ҳодиса жойига учта вертолёт жўнатилди, бироқ вазият ноаниқлигича қолмоқда”, деди темирйўл мутасаддиси. Айни пайтда йўловчилар эвакуация қилинмоқда.
Аввалроқ Тошкентнинг Янгиҳаёт туманида темирйўл ходими поезд босиб кетиши оқибатида ҳалок бўлгани хабар қилинганди. Қайд этилишича, темирйўлда кондуктор лавозимида ишловчи 1988 йилда туғилган эркак тепловозга юк вагонларини улаётган вақтда эҳтиётсизлиги оқибатида рельсга йиқилиб тушган.
Изоҳ (0)