Shimoliy Koreya hukumati Janubiy Koreya bilan chegaraning sharqiy va g‘arbiy hududlarida temir yo‘l va transport aloqasini “to‘liq jismoniy uzish” choralarini ko‘rdi. Bu haqda KCNA xabar berdi.
Bosqichma-bosqich ishlar doirasida Shimoliy Koreyaning sharqidagi Kanvondo provinsiyasining Kamxo qishlog‘i va g‘arbidagi Tonne qishlog‘ida 60 metr uzunlikdagi avtomobil va temiryo‘l qismlari portlatilgan. Ta’kidlanishicha, portlash atrof-muhitga salbiy ta’sir ko‘rsatmagan.
KXDR hukumati bu choralarni mamlakat konstitutsiyasi Janubiy Koreyani “mutlaq dushman davlat” deb tan olishi bilan izohlagan. Shimoliy Koreya Mudofaa vazirligi kelajakda “to‘sib qo‘yilgan janubiy chegarani abadiy qal’aga aylantirish” choralari ko‘rilishini bildirgan.
15-oktyabr kuni Shimoliy Koreya Janubiy Koreyaga olib boradigan yo‘llarning bir bir qismini portlatib yuborgani ma’lum bo‘lgandi. Janubiy Koreya harbiylari portlashga javoban tayyorgarlik va kuzatuvni kuchaytirmoqda.
Izoh (0)