Шимолий Корея ҳукумати Жанубий Корея билан чегаранинг шарқий ва ғарбий ҳудудларида темир йўл ва транспорт алоқасини “тўлиқ жисмоний узиш” чораларини кўрди. Бу ҳақда KCNA хабар берди.
Босқичма-босқич ишлар доирасида Шимолий Кореянинг шарқидаги Канвондо провинциясининг Камхо қишлоғи ва ғарбидаги Тонне қишлоғида 60 метр узунликдаги автомобиль ва темирйўл қисмлари портлатилган. Таъкидланишича, портлаш атроф-муҳитга салбий таъсир кўрсатмаган.
КХДР ҳукумати бу чораларни мамлакат конституцияси Жанубий Кореяни “мутлақ душман давлат” деб тан олиши билан изоҳлаган. Шимолий Корея Мудофаа вазирлиги келажакда “тўсиб қўйилган жанубий чегарани абадий қалъага айлантириш” чоралари кўрилишини билдирган.
15 октябрь куни Шимолий Корея Жанубий Кореяга олиб борадиган йўлларнинг бир бир қисмини портлатиб юборгани маълум бўлганди. Жанубий Корея ҳарбийлари портлашга жавобан тайёргарлик ва кузатувни кучайтирмоқда.
Изоҳ (0)