O‘zbekistonda 15-oktyabr kuni yomg‘ir yog‘ish ehtimoli bor hududlar ma’lum qilindi

“O‘zgidromet” 15-oktyabr, seshanba kuni uchun ob-havo ma’lumotini e’lon qildi.

Ob-havo Toshkent shahrida

Ob-havo biroz bulutli bo‘ladi, vaqti-vaqti bilan yomg‘ir yog‘adi. Shamol g‘arbdan 5-10 metr/sekund tezlikda esadi.  Harorat kechasi 8-10, kunduzi 13-15 daraja bo‘ladi.

Ob-havo Qoraqalpog‘iston Respublikasi, Xorazm viloyatida

Ob-havo biroz bulutli bo‘ladi, yog‘ingarchilik kutilmaydi. Ba’zi joylarga tuman tushishi mumkin. Shamol sharqdan 7-12 metr/sekund tezlikda esadi. Harorat kechasi 2 daraja sovuq-3 daraja iliq, kunduzi 8-13 daraja bo‘ladi.

Ob-havo Buxoro va Navoiy viloyatlarida 

Ob-havo biroz bulutli bo‘ladi, kechasi va ertalab ba’zi joylarda yomg‘ir yog‘ishi, tuman tushishi mumkin.  Kunduzi yog‘ingarchilik kutilmaydi. G‘arbiy shamol yo‘nalishini o‘zgartirib, sharqdan 7-12 metr/sekund tezlikda esadi. Harorat kechasi 0-5 daraja iliq, ba’zi joylarda 0-2 daraja sovuqqacha, kunduzi 11-16 daraja bo‘ladi.

Ob-havo Toshkent, Sirdaryo, Jizzax va Samarqand viloyatlarida 

Ob-havo biroz bulutli bo‘ladi, ba’zi joylarda yomg‘ir yog‘adi. Shamol g‘arbdan 7-12 metr/sekund tezlikda esadi.  Harorat kechasi 6-11 daraja, kunduzi 13-18 daraja bo‘ladi.

Ob-havo  Qashqadaryo viloyatida

Ob-havo biroz bulutli bo‘ladi, ba’zi joylarda yomg‘ir yog‘adi. Shamol g‘arbdan 7-12 metr/sekund tezlikda esadi.  Harorat kechasi 8-13 daraja, kunduzi 17-22 daraja bo‘ladi.

Ob-havo Surxondaryo viloyatida

Ob-havo biroz bulutli bo‘ladi, ayrim joylarda yomg‘ir yog‘ishi mumkin. Shamol g‘arbdan 7-12 metr/sekund tezlikda esadi. Harorat kechasi 10-15 daraja, kunduzi 20-25 daraja bo‘ladi.

Ob-havo Andijon, Namangan va Farg‘ona viloyatlarida

Ob-havo biroz bulutli bo‘ladi, ba’zi joylarda yomg‘ir yog‘adi. Shamol g‘arbdan 5-10 metr/sekund tezlikda esadi.  Harorat kechasi 8-13 daraja, kunduzi 12-17 daraja bo‘ladi.

Ob-havo Tog‘oldi va tog‘li hududlarda

Ob-havo biroz bulutli bo‘ladi, ba’zi joylarda yomg‘ir yog‘adi, ayrim joylarda kuchli yomg‘ir yog‘ishi mumkin, baland tog‘li hududlarda yomg‘ir qorga aylanadi. Ba’zi joylarga tuman tushishi mumkin. Shamol g‘arbdan  7-12 metr/sekund tezlikda esadi, ba’zi joylarda 13-18 metr/sekundgacha kuchayishi mumkin. Harorat kechasi va kunduzi 2-7 daraja iliq bo‘ladi.

• 14—17-oktyabr kunlari respublika hududiga sovuq va nam havo massalari kirib kelishi davom etadi. 14-oktyabrda Toshkent viloyati va Farg‘ona vodiysi viloyatlarining tog‘oldi va tog‘li hududlarida sel-suv toshqin hodisalari yuzaga kelishi mumkin.