Respublika hududiga dam olish kunlari Kaspiy dengizi janubidan nam va nisbatan salqin havo massalari kirib kelishi kutilmoqda, deb xabar berdi “O‘zgidromet”.
Hududning katta qismida yog‘ingarchiliksiz ob-havo saqlanib turadi, faqat markaziy va sharqiy hududlarda ba’zi joylarda yomg‘ir yog‘adi, tog‘oldi va tog‘li hududlarda ayrim joylarda kuchli bo‘lishi, baland tog‘larda qorga aylanishi mumkin.
6-oktyabrda respublikaning ayrim tog‘oldi va tog‘li hududlariga tuman tushishi mumkin. Shamol 7-12 metr/sekund tezlikda esadi, respublika bo‘yicha 15-20 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Havo harorati kechalari 5-oktyabrda 12-17 darajani, 6-oktyabrda 10-15 darajai tashkil etadi, kunduz kunlari 20-25 darajagacha pasayishi kutilmoqda.
Toshkentda 5—6 oktyabrda vaqti-vaqti bilan yomg‘ir yog‘adi. Havo harorati 5-oktyabrda kechasi 15-17 daraja, kunduzi 22-24 daraja, 6-oktyabrda kechasi 12-14 daraja, kunduzi 20-22 daraja bo‘ladi.
Izoh (0)