O‘zbekistonda dam olish kunidan harorat yana pasayadi

O‘zbekistonda 13-oktyabr, yakshanba kunidan boshlab harorat yana pasayadi. Bu haqda “O‘zgidromet” direktori Sherzod Habibullayev ma’lum qildi.

Unga ko‘ra, 13-oktyabr kuni O‘zbekistonning shimoliy hududlariga, 14—17-oktyabr kunlari respublikaning qolgan hududlariga sovuq va nam havo massalari kirib kelishi kutilmoqda.

13—17-oktyabrda havo harorati kechalari 3-8 darajagacha iliq, respublika shimolida ba’zi joylarda 0-2 darajagacha sovuq, kunduz kunlari 13-18 darajagacha iliqlik asta-sekin pasayadi.

13—15-oktyabr kunlari respublika bo‘yicha ba’zi joylarda yomg‘ir yog‘adi, tog‘oldi va tog‘li hududlarda ba’zi joylarda kuchli yomg‘ir yog‘ishi mumkin, baland tog‘larda yomg‘ir qorga aylanadi.

11 va 13—14-oktyabr kunlari kutilayotgan yog‘inli ob-havo sabab, respublikaning tog‘oldi va tog‘li hududlarida sel xavfi bor.