Qozog‘iston 12—14-oktyabr kunlari Arktika havo oqimining markazida qoladi, mamlakatning katta qismida qor yog‘ishi kutilmoqda. Bu haqda “Kazgidromet” xabar berdi.
-1L2dpJWt.jpg)
Respublika markazi va sharqida ko‘rish masofasi yomonlashishi, qor yog‘ishi va yo‘llarda muzlash holati kuzatilishi prognoz qilingan. Janubi va janubi-sharqda yomg‘ir yog‘ishi, tog‘li hududlarda esa qor aralash yog‘ingarchilik kuzatilishini mumkin.
Shuningdek, respublika bo‘ylab shamol kuchayishi, tunda va ertalab tuman tushishi prognoz qilingan. Faqatgina Qozog‘istonning g‘arbiy qismida antisiklon ta’sirida havo kam bulutli bo‘ladi, biroq tunda harorat 5, 10 darajagacha pasayadi.
Qolgan hududlarda tunda harorat 2 va 10 darajagacha soviydi, janubiy hududlarda esa tunda 5, 10 daraja iliq bo‘lishi kutilmoqda. Qozog‘iston shimolidagi Petropavlovsk shahrida esa allaqachon qor yog‘gan.
Ma’lumot uchun O‘zbekistonda ham dam olish kunlari harorat pasayadi. 13-oktyabr kuni O‘zbekistonning shimoliy hududlariga, 14—17-oktyabr kunlari respublikaning qolgan hududlariga sovuq va nam havo massalari kirib kelishi kutilmoqda. 13—17-oktyabrda havo harorati kechalari 3-8 darajagacha iliq, respublika shimolida ba’zi joylarda 0-2 darajagacha sovuq, kunduz kunlari 13-18 darajagacha iliqlik asta-sekin pasayadi.
Izoh (0)