Futbol bo‘yicha Millatlar Ligasining 3-turida Portugaliya Polsha ustidan 3:1 hisobida g‘alaba qozondi.
Krishtianu Ronaldu o‘yinning 37-daqiqasida o‘z hisobiga gol yozdirib qo‘ydi.
Hujumchi terma jamoa bilan birga 100-rasmiy o‘yinda g‘alaba qozongan ilk futbolchiga aylandi. Shuningdek, Ronaldu o‘rtoqlik o‘yinlarini ham qo‘shib hisoblaganda 131 ta g‘alabaga erishib, Serxio Ramosning rekordini takrorladi.
Krishtianu faoliyatidagi 906-golga mualliflik qildi. Joriy mavsum 39 yoshli futbolchi 12 ta o‘yinda ishtirok etib, 11 ta golga mualliflik qildi.
Terma jamoalarda urilgan gollar bo‘yicha Ronaldu hamon yetakchilik qilmoqda (133 ta gol). Ikkinchi o‘rinda borayotgan Lionel Messi hisobida esa 109 ta gol mavjud.
Izoh (0)