Андрес Иньеста футболчилик фаолиятини якунлаётганини тасдиқлади.
40 ёшли испаниялик футболчи ўзи ўйнаган мураббийлар ярим ҳимоячи билан ишлаш тажрибалари ҳақида фикр билдирган видеони эълон қилди. Видеода Луис Энрике, Луи ван Гал, Луис де ла Фуэнте, Пеп Гвардиола ва Висенте дел Боске, шунингдек, футболчининг отаси иштирок этган.
Иньеста эртага, 8 октябрь куни ўз фаолиятини якунлаши ҳақида расман маълум қилади.
Иньеста ўз фаолияти давомида “Барселона”, “Виссел Кобе” ва “Эмирейтс” жамоаларида тўп сурган.
Каталония клуби сафида ярим ҳимоячи 4 марта Чемпионлар Лигасини қўлга киритган, 9 маротаба Испания чемпиони унвонига сазовор бўлган ва 6 бор мамлакат Кубогини забт этган.
Испания терма жамоаси таркибида Иньеста 2010 йилги Жаҳон Чемпионатида ғалабага эришган ҳамда 2008 ва 2012 йилларда Европа Чемпиони бўлган.
Изоҳ (0)