Fil Tailand va Shri-Lanka o'rtasidagi munosabatlarning sovuqlashishiga sabab bo'ldi. Tailand qiroli bir necha yil oldin Shri-Lankaga fillarni sovg‘a qilgandi. Ma’lum bo‘lishicha, ulardan biriga yomon munosabatda bo‘lishgan.
O'tgan asrning 90-yillari oxirida monarx Shri-Lankaga uchta fil sovg'a qilgan. Ular har ikki xalq uchun muqaddas hayvonlardir. Qirollik sovg‘asi Shri-Lankaga alohida sharaf bilan yetkazildi.
Mutu Raju ismli fil bolasi mamlakat janubidagi ibodatxonaga joylashtirildi. U yerda fildan ibodatxona qoldiqlari va cherkov buyumlarini tashishda foydalanishgan.
Bir necha kun oldin hayvonlar huquqlari faollari ibodatxonaga tashrif buyurgan. Ular hayvonlarni hech kim parvarish qilmagan, degan xulosaga kelgan. Bundan tashqari, filning tanasida yaralar va zarba izlari topilgan, jonivor juda oqsoqlanib harakatlangan. Tailand hukumati bundan xabar topib qirollikning Shri-Lankadagi elchisi darhol orolning janubiga yetib kelgan, u yerda elchi holatni o'z ko'zlari bilan ko'rgan.
Shri-Lanka hukumati Tailand sovg‘asi qadrlanmaganini tan oldi. Monarxga rasmiy uzr so‘ralgan xat yuborildi. Ammo rasmiy Bangkok uzrni qabul qilmagan. Tailand filni qaytarishni talab qilgan, Shri-lankaliklar rozi bo'lishga majbur bo'lishgan. To‘rt tonnalik jonivor o‘z vataniga maxsus reys orqali yetkazildi, deb xabar bermoqda AFP.
Izoh (1)
Biznikilar fuqarolariga ittan battar muomala qilsa ham indamaydi.)) Ifloslar!