Ostona sudi Qozog‘istonning sobiq iqtisodiyot vaziri Kuandik Bishimbayevni 24 yilga ozodlikdan mahrum qildi. U rafiqasi Saltanat Nukenovani shafqatsizlarcha o‘ldirishda ayblanib, hibsga olingandi.
Jinoyatni yashirganlikda ayblanayotgan Bishimbayevning amakivachchasi Baxitjan Bayjanov 4 yil qamoq jazosiga hukm qilindi.
O‘zining so‘nggi so‘zida Bishimbaev aybdor ekanini, biroq jinoyatni qasddan qilmaganini aytdi.
"O'sha oqshom men hech qachon xotinimning o'limini orzu qilmaganman, men aybdorman, lekin qasddan qotillik sodir etmaganman", dedi u.
2023-yilning 8-noyabr kuni kechqurun Bishimbayev “Bau” restoranida rafiqasi bilan janjallashib qolgan. Erkak ilk bor Saltanat Nukenovani hojatxonada, keyin esa liftdan chiqishda urgan. Shundan so‘ng, sobiq vazirning so‘zlariga ko‘ra, turmush o‘rtog‘i restoranning VIP kabinasida divanga yotib uxlab qolgan.
Bishimbayev uni pidjagi bilan yopib, yoniga yotib uxlagan. Ertasi kuni Bishimbaev xotinini yotgan joyida tashlab, ish bilan restorandan chiqib ketgan. U 9-noyabr kuni kechqurun Nukenovaning yuzi va tanasi sovuq ekanligini payqagach, tez yordam chaqirgan. Shifokorlar ayolning bir kun avval o‘lganini aniqlashgan.
Izoh (0)