Amerikaning SpaceX kompaniyasi yaqin ikki yil ichida Marsga “beshga yaqin” ekipajsiz Starship kosmik kemalarini uchirmoqchi. Bu haqda Ilon Mask ma’lum qildi.
Agar ularning barchasi eson-omon qo‘nsa, to‘rt yildan so‘ng ekipaj bilan parvoz qilish mumkin. Agar muammolar yuzaga kelsa, ekipaj bilan parvozlar yana ikki yilga kechiktiriladi, deyiladi xabarda.
Maskning ta’kidlashicha, sinovlar orasidagi ikki yillik muddat sayyoralarning “bir chiziqqa tizilishi” bilan bog‘liq bo‘lib, bu hodisa har ikki yilda bir marta yuz beradi. Shu sababli, sinovlarni o‘tkazish imkoniyati ham ikki yillik davriylikka ega.
Biznesmen, shuningdek, “geometrik progressiyada” SpaceX kosmik kemalarini ishlab chiqarish va Marsga parvozlarni amalga oshirishning o‘sishini prognoz qilmoqda.
Biz kosmik sayohatchi bo‘lishni istagan har bir inson Marsga borishini istaymiz! Bu siz, oilangiz yoki do‘stlaringiz — buyuk sarguzashtlarni orzu qilganlarning barchasini anglatadi. Oxir-oqibat Marsga minglab Starship kemalari jo‘natiladi va bu ajoyib tomosha bo‘ladi! Tasavvur qilyapsizmi?, deydi Mask.
Izoh (0)