Amerikalik milliarder Ilon Mask bir millionga yaqin odam va bir necha tonna yukni Marsga jo‘natmoqchi. U bu haqda X ijtimoiy tarmog‘ida efirga uzatilgan SpaceX’dagi tadbirda gapirdi.
Milliarder sayyorani “muvaffaqiyatli mustamlaka qilish” uchun odamlar Marsga yuborilishini aytdi. Uning so‘zlariga ko‘ra, kompaniya kelgusi yilda kosmik yonilg‘i quyish – yonilg‘ini bir kosmik kemadan boshqasiga o‘tkazish tizimini taqdim etishni rejalashtirmoqda. Marsga parvoz paytida kamida 5-6 ta shunday yonilg‘i quyish kerak bo‘ladi.
Maskning fikricha, odamlar boshqa sayyoralarga ko‘chishlari kerak, chunki bir necha yildan keyin “Yerda hayot bo‘lmaydi”. Bundan tashqari, SpaceX Starship 3 kosmik kemasini yaratishga e’tibor qaratadi, chunki Marsni zabt etish uchun yuzlab shunday kemalar kerak bo‘ladi. Biroq Mask missiyaning vaqti haqida ma’lumot bermagan.
Lekin milliarderning SpaceX kompaniyasi birinchi navbatda Oyda baza qurishni rejalashtirmoqda.
“Mars o‘zini o‘zi ta’minlay olmaguncha sivilizatsiya o‘zining hozirgi texnologik darajasini saqlab qolishi kerak, buni taxminan 20 yil ichida amalga oshirish mumkin. Agar biz sayyoralararo, keyin esa yulduzlararo bo‘lsak, bizning sivilizatsiyamiz millionlab yillar davom etadi”, — deydi Mask.
Aks holda Mask insoniyat “bir necha yuz yil” yashashini aytdi.
Izoh (0)