Американинг SpaceX компанияси яқин икки йил ичида Марсга “бешга яқин” экипажсиз Starship космик кемаларини учирмоқчи. Бу ҳақда Илон Маск маълум қилди.
Агар уларнинг барчаси эсон-омон қўнса, тўрт йилдан сўнг экипаж билан парвоз қилиш мумкин. Агар муаммолар юзага келса, экипаж билан парвозлар яна икки йилга кечиктирилади, дейилади хабарда.
Маскнинг таъкидлашича, синовлар орасидаги икки йиллик муддат сайёраларнинг “бир чизиққа тизилиши” билан боғлиқ бўлиб, бу ҳодиса ҳар икки йилда бир марта юз беради. Шу сабабли, синовларни ўтказиш имконияти ҳам икки йиллик даврийликка эга.
Бизнесмен, шунингдек, “геометрик прогрессияда” SpaceX космик кемаларини ишлаб чиқариш ва Марсга парвозларни амалга оширишнинг ўсишини прогноз қилмоқда.
Биз космик саёҳатчи бўлишни истаган ҳар бир инсон Марсга боришини истаймиз! Бу сиз, оилангиз ёки дўстларингиз — буюк саргузаштларни орзу қилганларнинг барчасини англатади. Охир-оқибат Марсга минглаб Starship кемалари жўнатилади ва бу ажойиб томоша бўлади! Тасаввур қиляпсизми?, дейди Маск.
Изоҳ (0)