Turmush o‘rtog‘ining mashhurligi soyasida qolib ketgan aktrisa: Berguzar Korel haqida ko‘pchilik bilmaydigan ma’lumotlar

Turk aktrisasi Berguzar Korelning ismi barcha turk muxlislariga yaxshi tanish, ko‘p jihatdan uning mashhur turmush o‘rtog‘i Halit Ergench tufayli.

Turk kinosining bo‘lajak yulduzi 1982-yil 27-avgustda Istanbulda tug‘ilgan. Berguzar tug‘ilgandan so‘ng uning oilasi Ulusga ko‘chib o‘tadi. Korelning ota-onasi taniqli aktyorlar — Tanju Korel va uning rafiqasi Hulya Darjan eski turk kinosi muxlislariga yaxshi tanish.

Berguzar yoshligidanoq hayotini kino bilan bog‘lashini aniq bilardi. Ota-onasi tufayli ko‘p vaqtini suratga olish maydonchalarida o‘tkazadi. Shuning uchun maktabni tugatgach, Korel Mimar Sinan nomidagi tasviriy san’at universitetiga o‘qishga kiradi.

Ijodiy faoliyati

Berguzar Korelning debyuti 2005-yilda bo‘lgan. Aynan o‘sha paytda u “Zaytun novdasi” teleserialida rol ijro etadi. Keyingi yili aktrisa “Qashqirlar makoni: Iroq” filmida o‘ynaydi, bu unga o‘zini iste’dodli aktrisa sifatida ko‘rsatishga imkon beradi. Keyingi serial Berguzarni butun dunyoga mashhur qiladi. U bo‘lajak turmush o‘rtog‘i Halit Ergench bilan tanishgan “1001 kecha” filmida bosh rolni ijro etadi.

2011-yilda Korel “Muhtasham yuz yil” serialida epizod rol — Monika Gritti rolini o‘ynaydi. Uning yorqin ko‘rinishiga qaramay, ko‘pchilik turk muxlislari aktrisani yangi rolida tan olishmaydi.

Berguzar ko‘plab muvaffaqiyatli rollarni ijro etgan. “Muhabbat o‘yini”, “Tugallanmagan qo‘shiq”, “Kara amaki”, “Vatanimsan”, “Bir muhabbat, ikki hayot”, “Azizning dilemmasi”, “Qonli efir” kabi loyihalarda suratga tushgan.

Korel yangi rollarni ehtiyotkorlik bilan tanlaydi. Ammo iqtidori va mahoratiga qaramay, ba’zi turk muxlislari uni faqat birovning oilasini buzgan ayol va Halit Ergenchning rafiqasi sifatida qabul qiladi.

Berguzar Korelning shaxsiy hayoti

Berguzar Korel uzoq vaqt davomida shaxsiy hayotini reklama qilmaslikka harakat qildi. Biroq “1001 kecha” filmini suratga olishdan oldin aktrisa Tan Sachturk bilan uchrashib yuradi. Ammo ularning ajralishi janjal va shov-shuvli yakunlanadi. Aktyor ommaviy axborot vositalari orqali Berguzardan qimmatbaho nikoh uzugini qaytarishni talab qiladi. Biroq Korel barcha sovg‘alarni bir necha oy oldin Tanga berganini aytadi.

2006-yilda aktrisa “1001 kecha” teleserialida Shahrizoda rolini o‘ynaydi. Uning filmdagi partnyori oilali Halit Ergench edi. Suratga olish davomida hamkasblar o‘rtasida romantika boshlanadi va bu tez orada ommaga ma’lum bo‘ladi. Aktyor birinchi rafiqasi bilan 2007-yilda turmush qurgandi. Biroq bir yarim yildan so‘ng u Gizem Sosaldi bilan ajrashadi va bir necha oydan keyin Korelga uylanadi.

Keyinchalik turk matbuoti birinchi rafiqasi Halitning bu ishidan so‘ng homilasidan ayrilganini yozadi. Ergench unga katta moddiy tovon to‘lashi kerak edi. Shu bilan birga, ba’zi jurnalistlar u Gizemga abort qilish uchun pul to‘laganini da’vo qiladi. Uzoq vaqt davomida aktyorni firibgar va manipulyator deb atashgan, ikkinchi xotini Korel esa ko‘p yillar davomida birovning oilasini buzgan benomus ayol sifatida ko‘rilgan. Ammo 2009-yilda turmush qurgan Berguzar va Halit har qancha g‘iybat va qoralashlarga qaramay, birga baxtli hayot kechirmoqda. Aktyorlar Londonga ko‘chib o‘tgan, lekin tez-tez Turkiyaga kelib turadi. Hozirda er-xotin uch nafar farzandni tarbiyalamoqda — ularning ikki o‘g‘li Ali va Xon hamda sevimli qizi Leyla bor.

Berguzar Korel hozir

Hozirda Berguzar Korel filmlarda rol o‘ynashda davom etmoqda. 2023-yilda uning ishtirokidagi “Qonli tugun” yangi seriali chiqdi. Aktrisa ishdan bo‘sh vaqtini oilasiga — sevimli turmush o‘rtog‘i va uch farzandiga bag‘ishlaydi.

Berguzar xayriya ishlariga ham katta e’tibor beradi. Aktrisa dizaynga ham qiziqadi — u uyining interyerini o‘zi jihozlaydi. Intervyuda Korel agar aktrisa bo‘lmaganida, albatta interyer dizayneri bo‘lishini ta’kidlaydi.

Halit Ergenchning rafiqasi ovqat pishirishni yaxshi ko‘radi. Uning so‘zlariga ko‘ra, taom tayyorlash — bu yaqinlariga bo‘lgan his-tuyg‘ularini ifodalash usullaridan biri.

Berguzar Korel haqida qiziqarli faktlar

• Berguzar Korel “Muhtasham yuz yil” filmining suratga olish maydonida janjal chiqaradi. U Meryem Uzerli sabab erini rashk qilgan. Sulaymon va Xurramning bo‘sa olishini ko‘rgan aktrisa ular o‘rtasida ishqiy munosabatlar borligiga ishonadi.
• Berguzar ajoyib kuylaydi. 2016-yilda u o‘zining musiqiy albomini chiqaradi va sotuvdan tushgan pulni xayriya ishlariga sarflaydi.
• Korelning kichik kafesi bo‘lgan, unda faqat o‘zi pishirgan shirinliklarni sotgan. Biroq bir necha yil o‘tgach, suratga olish maydonidagi tig‘iz ishi tufayli do‘konini sotib yuboradi.
• Maktab yillarida aktrisa voleybolni yaxshi ko‘radi. U hatto professional sportchi bo‘lishni xohlaydi, lekin kinoga bo‘lgan ishtiyoqi g‘alaba qozonadi.
• Uchinchi homiladorligida Korel to‘qishga qiziqib qoladi. Aktrisa hatto obunachilariga qizi uchun o‘z qo‘llari bilan to‘qigan kombinezonni ko‘rsatadi.
• Berguzarning Zeynep ismli opasi bor, u bilan munosabatlari juda murakkab. Opa-singillar deyarli gaplashmaydi.
• “Qashqirlar makoni: Iroq” filmida suratga tushish uchun aktrisa arab tilini o‘rganishiga to‘g‘ri kelgan.
• U bir paytlar Nikol Kidman va Tom Henksga dars bergan mashhur Syuzan Bastondan aktyorlik saboqlarini olgan.

Berguzar Korel — juda iste’dodli va ko‘p qirrali aktrisa. Uning filmografiyasida 13 ta muvaffaqiyatli loyiha bor, aktrisa ularda o‘z mahoratini to‘liq namoyish etgan. Muxlislari ertami-kechmi barcha turk tomoshabinlari Berguzarning iste’dodini tan oladi va unga faqat Halit Ergenchning rafiqasi sifatida munosabatda bo‘lishni to‘xtatadi deb umid qiladilar.