Mashhur aktyor Xalit Ergenchning rafiqasi aktrisa Berguzar Korel obunachilarga homiladorligining 30-haftasida koronavirusga qarshi emlanganini ma’lum qildi, deb xabar bermoqda “RusTurkey.com” nashri.
“Ochig‘ini aytaman ... Farzandimni dunyoga keltirib, keyin emlanishni o‘ylagandim. Chunki Xon tug‘ilgandan keyin pandemiya boshlandi, biz uydan chiqmadik — butunlay izolyatsiyada bo‘ldik. Yana homilador ekanligimni bilganimda kasallik avjiga chiqqan payt edi, men yanada ehtiyotkor bo‘ldim. Bunday qo‘rquv bilan yashash oson emas ekan.
Chaqaloq bilan uzoq vaqt uydan chiqmaganim uchunmi yoki kutilmaganda yana homilador bo‘lganim uchunmi, juda charchadim. Reanimatsiyada yotgan homilador ayollarning ahvoli, koronavirus bilan kasallanish ko‘paygani haqida bilganim uchun ham emlanishga qaror qildim.
Men hozir homiladorlikning 30-haftasidaman. Unutmangki, virus har kimga yuqishi mumkin. Shu tufayli bolalar bir yarim yildan beri maktabga to‘liq bora olishmayapti. Vaksinani birinchi navbatda bolalarimizning kelajagi uchun oldim. Iltimos, emlaning. Shifokoringiz bilan maslahatlashing va birgalikda qaror qabul qiling”, — deb yozgan Berguzar ijtimoiy tarmoqlarda.
Ma’lumot uchun, 51 yoshli Halit va 38 yoshli Berguzarning ikki nafar farzandi bor. Katta farzandi 11 yoshda, kenjasi Xon esa 2020-yil 8-sentabrda tug‘ilgan. Avvalroq baby shower marosimidagi fotolari bilan bo‘lishgan aktrisa bo‘lajak farzandining jinsi qiz ekanini ma’lum qilgandi.
Mavzuga doir:
- Turk kinosining mashhur juftliklari bo‘sh vaqtini qanday o‘tkazadi? (foto)
- Nafaqat sahnada, balki hayotda ham ajralmas do‘st bo‘lgan turk yulduzlari (foto)
- “Muhtasham yuz yil” seriali aktyorlari yana qanday seriallarda suratga tushgan?
- 2021-yil bahor mavsumida yakunlanayotgan uchta mashhur turk seriali
- “Muhtasham yuz yil” seriali yulduzlari ishtirokidagi 2021-yilgi turk seriallari
Izoh (0)