Ebru Shahin Amerikaga ko‘chib ketmoqda, Xande Erchel Disney bilan shartnoma imzoladi. Turk kinosi yangiliklari (foto)

Turk aktyorlari hamda aktrisalari hayotida ro‘y berayotgan yangiliklar, ularning kelgusidagi rejalari va kutilayotgan loyihalari haqidagi ma’lumotlarni e’tiboringizga havola etamiz.

Yaqinda turmushga chiqqan va AQSHda yashashni rejalashtirgan Ebru Shahin aktyorlik faoliyatini vatanida davom ettirmoqchi. Katta ehtimol bilan u ikki mamlakatda yashashi mumkin. Aktrisa yangi loyihada ishtirok etish uchun kelishuv ishlarini olib bormoqda. Tanlash uchun imkoniyat bor — unga film, raqamli va teleseriallardan rollar taklif etilmoqda.

Ma’lumotlarga ko‘ra, “Qopqon”da ishtirok etish uchun kelishuvlar olib borgan Bensu Soral loyihada rol o‘ynashdan bosh tortgan. Ammo boshqa manbalarga ko‘ra, aktrisa Akin Akinozyuning partnyorini ijro etadi. Shuningdek, aktyorlar tarkibida Talat Bulutning partnyori Ilayda Chevik ham bor.

Xande Erchel Disney+ raqamli platformasi bilan shartnoma imzoladi, ammo hozircha uning raqamli loyihalari haqida hech qanday xabar yo‘q. So‘nggi ma’lumotlarga ko‘ra, Xande Raxul Mishraning pandemiya sababli qoldirilgan veb-loyihasida ishtirok etadi. Raxul Mishra 2014-yilda Milan moda haftaligida Xalqaro Woolmark Prize mukofotini qo‘lga kiritgan va ushbu mukofotni qo‘lga kiritgan birinchi hind dizayneri hisoblanadi. Aktrisa loyihada suratga tushish uchun Mumbayga boradi.

Yulduzli juftlik Burak O‘zchivit hamda Fahriye Evjenning farzandi yana bittaga ko‘payish arafasida. Yaqinda hamisha muxlislar e’tiborida bo‘lgan juftlikning tug‘ilajak farzandi egizakligi haqda yangiliklar paydo bo‘ldi. Ammo bo‘lajak ota-ona egizaklar haqidagi mish-mishlarni rad etib, Fahriyening to‘rt oylik homilasi o‘g‘il ekani haqda xabar berdi.

Kerem Bursinning ilk “Tanlov” nomli qisqa metrajli filmi Parij Art & Movie Awards tanlovida “Eng yaxshi qisqa metrajli film” nominatsiyasi bo‘yicha qatnashadi.

So‘nggi ma’lumotlarga ko‘ra, Ilhan Shen turkiyalik beIN CONNECT raqamli platformasi uchun yangi loyihani rejalashtirmoqda. Bu Pokiston va Turkiya kinoijodkorlarining hamkorlikdagi ishi bo‘ladi. Loyiha 3 faslga mo‘ljallangan bo‘lib, jami 20 qismdan iborat. Hozirda kelishuvlar olib borayotgan turkiyalik aktrisa Gulsim Ali unga partnyor bo‘lishi mumkin. Loyihaning nomi “Salohiddin Ayyubiy”. Ayyubiylar sulolasining asoschisi Salohiddin haqidagi tarixiy serial. Sujet tarixiy ma’lumotlarga asoslangan, shuning uchun turk tarixchilari pokistonlik tarixchilar va tadqiqot mualliflari yordamida ssenariyni yozishda qatnashgan.

Salohiddin Islomning qudratli rahbarlaridan biri bo‘lib, musulmonlar salibchilar tomonidan bosib olingan shaharni qaytarib olishni istagan Quddus jangi paytida u shaharda yashovchi nasroniylarga shafqat qilgani bilan mashhur bo‘lgan.

OGM Pictures kinokompaniyasi yangi loyiha tayyorlamoqda, uning rejissori Jem Karji. Bu Netflix’da namoyish etilgan 2020-yilgi nemis-amerikalik “G‘ayritabiiy” serialini remeyki hisoblanadi. Ushbu kinokompaniyaning barcha loyihalari katta muvaffaqiyatga erishgan.

Asl manbada sujet bo‘yicha “G‘ayritabiiy” serialida bosh qahramon ultra-pravoslav yahudiy jamoasida yashovchi 19 yoshli qizdir. U turmushidan baxt topmay, onasi yashaydigan Berlinga qochib ketadi va hayotini tuzatishga harakat qiladi. Uning eri xotinining homiladorligini bilib, uni topish uchun Berlinga boradi.

Turk kinosi aktyorlari muhtojlarga yordam berish uchun bir necha bor xayriya jamg‘armalariga mablag‘ ajratgan. O‘zge Gurel va Serkan Chayog‘li saraton kasalligiga chalingan bolalar uchun “Umid” jamg‘armasiga xayriya qilgandi. To‘ylari 2022-yil sentyabr oyida bo‘lib o‘tadigan Berk Oktay va Yildiz Chag‘ri Atiskoy ham ushbu jamg‘armaga xayriya qilmoqchi.

Qo‘shiqchi va aktyor Murat Bo‘z esa AVVA X Murat Boz parfyumining reklama kampaniyasidan tushgan barcha mablag‘ni yoshlar ta’limini qo‘llab-quvvatlash maqsadida xayriya jamg‘armasiga o‘tkazdi.