Ba’zi filmlar tomoshabinni chuqur his-tuyg‘ular ichiga olib kiradi. Ular yuragingizning nozik torlariga ta’sir qiladi, dunyoqarashingizni o‘zgartiradi. Bu filmlar sizga optimizm va umid bilan to‘lgan ajib bir dunyoni taqdim etadi. Quyidagi filmlar ham sizni hamma narsa mumkinligiga ishontiradi. Bu tuyg‘u nafaqat film tugagandan keyin, balki uzoq vaqt davomida siz bilan qoladi.
“Tik-tak... BUM!” (2021)
Rejissor Lin-Manuel Miranda o‘zining ilk to‘liq metrajli filmida, Jonatan Larsonning (Rent) shu nomli musiqiy asariga asoslangan holda musiqiy filmni taqdim etadi. Yarim avtobiografik hikoyada Larsonning 30 yoshiga to‘lgunga qadar muvaffaqiyatga erishishga bo‘lgan yo‘li tasvirlanadi. Bosh rolni Endryu Garfild ijro etgan, mazkur roli uchun u “Oltin globus” mukofotiga loyiq yopilgan. Film umid, orzular, muhabbat, qurbonliklar va o‘z tanlovidan qoniqish kabi hissiyotlarga boy hayot haqida.
“Yovvoyilarni ovlash” (2016)
Tayka Vaytiti tomonidan suratga olingan bu yovuz voqealar haqidagi komediya muammoli yetim Riki (Julian Dennison) va uning janjalkash “amakisi” Gektor (Sem Nil) ortidan keladi. Ular Yangi Zelandiya changalzorlarida qochib yurishadi, bu yerda omon qolish uchun bir-birlariga yordam berishi kerak.
“Shirli” (2024)
Shirli Chixolm 1968-yilda Kongressga saylangan birinchi qora tanli ayol sifatida tarixga kirdi, ammo u shu bilan cheklanib qolmadi. Jon Ridli tomonidan yozilgan va sahnalashtirilgan ushbu biografik drama uning 1972-yildagi prezidentlikka nomzodlik yo‘lidagi inqilobiy harakatlarini tasvirlaydi. Chiholm mamlakatdagi eng yuqori davlat lavozimiga yirik partiyadan nomzodlik uchun kurashgan birinchi ayol va qora tanli nomzod bo‘ldi. Regina King ijrosida Chiholm g‘ayritabiiy kuch va matonat namoyon etadi.
“Yengilmas” (2014)
Ikkinchi jahon urushi davrida amerikalik uchuvchi va sobiq olimpiya chempioni Lui Zamperini (Jek O’Konnell) okeanga favqulodda qo‘nishdan so‘ng 47 kun davomida qayiqda suzib yuradi — oxir-oqibat yaponlarga asir tushadi. Uni bir nechta harbiy lagerlarga joylashtirishadi, u yerda qattiq azoblanadi, jumladan, lagerning sadist komendanti (Miyavi) tomonidan zo‘ravonlikka uchraydi. Rejissor Anjelina Joli tomonidan suratga olingan va Zamperinining asirlikka qarshi kurashi batafsil bayon etgan hujjatli kitobga asoslangan “Yengilmas” fimida insonning qanchalik matonatli ekani tasvirlangan.
“Otalik” (2021)
Kevin Xart yangi tug‘ilgan qizini yolg‘iz o‘zi tarbiyalayotgan yolg‘iz ota Mett rolini o‘ynaydi. Tagliklardan tashqari, hali hal qilinishi kerak bo‘lgan yana ko‘p narsalar bor — ish, alam va oila a’zolari, shubha va gumon. Haqiqiy Metyu Logelinning “Maddi uchun ikki bo‘sa: Sevgi va yo‘qotish haqida xotiralar” memuaridan ilhomlangan ushbu film ota-ona bo‘lish yoki bo‘lmasligingizdan qat’i nazar, sizni Mett uchun qayg‘urishga, u bilan birga kulishga va yig‘lashga majbur qiladi.
“Shamolni jilovlagan bola” (2019)
Uilyam Kamkvambaning xotiralari asosida yaratilgan real voqealarga asoslangan mazkur film butun Malavi qishlog‘ini ochlikdan qutqargan o‘smir haqida. Uilyam (Maksvell Simba) moliyaviy muammolar tufayli maktabga borolmay qolgach, o‘qituvchisi yordamida kutubxonaga a’zo bo‘ladi va energiya ishlab chiqarishni mustaqil ravishda o‘rganishni boshlaydi. Uilyam yangi bilimlaridan foydalanib, oilasining hosilini vayron qilgan qattiq qurg‘oqchilikka qarshi 13 yoshida shahar suv nasosini ishlatish uchun shamol tegirmoni qurishga qaror qiladi.
“Skywalkers: sevishganlar tarixi” (2024)
Bu hujjatli filmda moskvalik juftlik Anjela Nikolau va Ivan Birkus o‘zlarining bugungi kunga qadar eng dadil sayohatini amalga oshirishga urinishadi: Malayziyadagi 160 metrlik 118 qavatli osmono‘par binoga chiqish. Qaltis lahzalar bilan bir qatorda, sevgi hikoyasi ham birdek rivojlanadi.
Izoh (0)