Ular iste’dodli, mashhur va kelishgan. GeeksforGeeks portali turli so‘rovlar asosida 2024-yilda dunyodagi eng kelishgan mashhur erkaklar reytingini tuzib chiqdi. Ular nafaqat o‘zining ajoyib ko‘rinishi bilan jamoatchilik e’tiborini tortadigan, balki o‘z sohalarida e’tirofga erishgan odamlardir.
Kim Txe Hyon
Kim Txe Xyon, V (Vi) nomi bilan tanilgan, jahon musiqa sanoatining yulduzi, Janubiy Koreyaning BTS guruhi a‘zosi. 28 yoshli ijrochi ko‘pincha turli xil reytinglarga kiritiladi, shuningdek, K-pop sanoatida tanqili shaxs hisoblanadi.
U 2016-yilda aktyor sifatida debyutini “Xvaran askari” dramasida ikkinchi darajali rolni ijro etgan. V o‘z faoliyati davomida ikkita koreys dramasi uchun tijoriy jihatdan muvaffaqiyatli saundtreklar, shuningdek, yakkaxon xitlar chiqardi. Uning 2023-yil 8-sentyabrda chiqarilgan rasmiy yakkaxon debyuti “EP Layover” originalligi va vokal mahorati uchun jahon tanqidiy eʼtirofiga sazovor bo‘ldi va butun dunyo bo‘ylab bir qancha rekordlarni o‘rnatdi.
Musiqachi va aktyor hozir armiyada xizmat qilmoqda, bu uning muxlislarning kumiri bo‘lib qolishiga to‘sqinlik qilmaydi. Kim Txe Xyon 2023-yil dekabr oyida harbiy xizmatni boshlagan. Boshqa barcha BTS a‘zolari ham o‘zlarining harbiy vazifalarini bajaradi. Guruh 2025-yilda armiyadan qaytgach, musiqaga qaytishi kutilmoqda.
Robert Pattinson
Britaniyalik aktyor va model Robert Pattinson “Sumerki” sagasida chiqqandan keyin mashhur bo‘ldi. Keyinchalik u 2022-yilda “Betmen” filmida Bryus Ueyn/Betmen rolini ijro etdi. Pattinsonni mashhur qilgan — uning klassik yuz xususiyatlari hisoblanadi. Tadqiqotlarga ko‘ra, u 2020-yil versiyasiga ko‘ra sayyoradagi eng jozibali odam. Buni aniqlash uchun kosmetik jarroh Julian De Silva “oltin nisbat”ga mos keladiganlarni qidirib, mashhurlarning yuzlarini baholash uchun kompyuter xaritalash texnologiyasidan foydalangan. Pattinsonning tashqi ko‘rinishi mukammallikka eng yaqin bo‘lib chiqdi.
Devid Bekhem
Sobiq professional futbolchi, moda ramzi va “Inter Mayami” futbol klubi egasi Bekxem sport karyerasi bilan mashhur, ayniqsa “Manchester Yunayted” (Angliya) va Madridning “Real”ida o‘ynagan davrlarida tanilgan. Futbolchi hech qachon tashqi ko‘rinishi bilan tajribalar o‘tkazishdan cho‘chimagan va eng g‘alati soch turmaklarini — irokez va dumchalardan tortib, o‘rimlar va oqartirilgan sarg‘ish sochlargacha namoyish etgan. Bekxem ko‘pincha yuz tuzilishining mutanosibligi va atletik gavdasi tufayli dunyodagi eng kelishgan o‘nta erkak qatoriga kiradi.
Hozir u 49 yoshda. Sportchi va Spice Girls a’zosi Viktoriya Adams 1997-yilda tanishgan va 1999-yil iyul oyida turmush qurishgan. Ularning to‘rt farzandi bor — Bruklin Jozef (1999), Romeo Jeyms (2002) va Kruz Devid (2005), shuningdek, qizi Xarper Seven (2011).
Ritik Roshan
Hind aktyori, eng yaxshi erkak roli uchun bir necha bor Filmfare mukofoti sovrindori, hind kinosining mashhur aktyorlaridan biri. Yulduzni uning bo‘rtib chiqqan tana tuzilishi va kuchli iyak chizig‘i tufayli “Hindistonning yunon xudosi” deb atashadi. U uzun sochi, baland bo‘yi va qo‘ng‘ir-yashil ko‘zlari bilan mukammallik timsoli hisoblanadi. Hind aktyori o‘zining ajoyib raqs mahorati va jozibador tashqi ko‘rinishi bilan ham tanilgan.
Kris Evans
Amerikalik aktyor Kris Evans Marvel kino olamidagi Kapitan Amerika roli bilan mashhur. Blokbasterlardan tashqari, Evans “Qinidan chiqqan pichoqlar” detektiv filmida, “Jeykobni himoya qilib” trillerida, “Iqtidorli” dramasida va boshqa filmlarda rol o‘ynagan.
Uning baquvvat gavdasi superqahramonlik rollarida yaqqol ko‘rinadi. Kapitan Amerika rolini ijro etish uchun Kris Evans sport zalida ko‘p vaqt o‘tkazishiga va mushak massasini sezilarli darajada oshirishiga to‘g‘ri keladi. Mashg‘ulotlar haftasiga olti kun — dushanbadan shanbagacha davom etadi, yakshanba esa tiklanish kuni bo‘ladi. Atletik qomati va maftunkor tabassumi uni dunyodagi eng jozibador aktyorlar va ayol muxlislarning sevimli yulduzlari qatoriga kiritgan.
Yaqinda 43 yoshli Marvel yulduzi Kris Evans portugaliyalik aktrisa Alba Baptistaga yashirincha uylandi.
Tom Kruz
Amerikalik aktyor, kinorejissyor, ssenariy muallifi va prodyuser “Mohir mergan”, “Uddalab bo‘lmas topshiriq” va boshqa jangovar filmlardagi rollari tufayli ekran yulduziga aylandi.
U 62 yoshida ham jozibali ko‘rinishga ega va ekrandagi ko‘plab tryuklarni o‘zi bajaradi, bu esa uning filmlariga ishonchlilik darajasini oshiradi. Aktyor hali ham dunyoning eng chiroyli erkaklarining turli reytinglaridan tushmaydi.
Tom Kruz uch marta uylangan. Uning birinchi sevgilisi aktrisa Mimi Rojers bo‘lib, u bilan ajrashgandan so‘ng 1990-yilda aktyor Nikol Kidmanga uylanadi. Bu nikohdan uning ikkita asrab olingan farzandi bor va munosabatlar 2001-yilgacha davom etgan. Uchinchi rafiqasi aktrisa Keti Xolms bo‘lib, u bilan 2006-yilda Kruzning qizi Suri tug‘ildi. Er-xotin 2012-yilda ajrashishgan.
Kris Xemsvort
Kris Xemsvort — avstraliyalik aktyor, Marvel kino olamidagi Tor rolidan keyin yulduzga aylangan: u “Tor”, “Qasoskorlar”, “Tor 2: zulmat qirolligi”, “Qasoskorlar: Altron davri”, “Tor: Ragnaryok”, “Qasoskorlar: abadiyat jangi” filmlarida o‘ynagan.
Xemsvortning badjahl ko‘rinishi, mushakdor qaddi-qomati va jozibador tabassumi hammaning e’tirofiga sazovor bo‘ldi. Aktyorning yuzi 93,53 foiz standartga mos keladi. Uning jozibador tashqi ko‘rinishi aktyorlik mahorati bilan birgalikda Xemsvortni kino sanoatida mashhur shaxsga aylantirdi. Uning rollari ko‘pincha yuqori darajadagi jismoniy tayyorgarlikni talab qiladi, aktyor buni qat’iy mashg‘ulot rejimlari yordamida ushlab turadi.
Izoh (0)