Letitsiya Ortis Roksalanoning ajdodlari orasida aslzodalar bo‘lmagan. Uning bobosi taksichi, otasi jurnalist, onasi oddiy hamshira bo‘lgan. Qanday qilib u Ispaniya shahzodasining muhabbatini qozongan? Shunchaki tasodif orqali.
Kelajagiga sababchi bo‘lgan kasb
Letitsiya bolalikdan jurnalistikaga qiziqardi. 10 yoshidanoq u Ispan radioeshittirishlarida ishtirok etardi. Madrid universitetining jurnalistika fakultetida o‘qiyotganda, qiz gazetada ishlaydi va diplomini olish bilan televideniyega ko‘ngilli jurnalist sifatida ishga kiradi. U muhim siyosiy voqealarni, hodisalarni, shu jumladan, teraktlarni yoritadi.
1998-yil avgustda Letitsiya birinchi muhabbati — maktab o‘qituvchisi Alonso Guerrero Peres bilan turmush quradi. Lekin bir yil o‘tib, nikoh bekor qilinadi.
Letitsiya shahzodani jurnalistkada ishlab yurganida uchratadi. 2002-yil noyabrda Letitsiya Ispaniyaning shimoliga safarga chiqadi. U yerda qirol oilasidan vakil sifatida chiqqan shahzoda Filipp bilan tanishadi.
Jurnalistdan malikaga
2003-yil 1-noyabrda esa Letitsiya va Felippe ilk uchrashgan kunda, qirollik saroyi ularning to‘yi bo‘layotganini e’lon qiladi. Olti kun ichida tantanali unashtiruv marosimi bo‘lib o‘tadi. Felippe to‘y marosimida Letitsiyaga olmoslar bilan bezatilgan uzuk sovg‘a qiladi, Letitsiya esa turmush o‘rtog‘iga oq oltindan yasalgan uzuk va Mariano Xose de Larraning kitobini beradi.
Unashtiruvdan so‘ng, Ortis televideniyedagi ishidan ketadi va saroyga ko‘chib o‘tadi. Ularning to‘yi 2004-yil mayda Madridning Santa-Mariya-la-Reyal-de-la-Almudena katedralida bo‘lib o‘tadi. Kelinchak fil suyagi rangidagi hashamatli libosda, olmos tiarada ko‘rinish beradi. Yevropada 1,5 milliard odam ushbu marosimni tomosha qildi.
2005-yil 31-oktyabrda juftlikning to‘ng‘ich qizi Leonor dunyoga keladi, 2007-yilning aprelida esa ikkinchi qizi Sofiya tug‘iladi.
Sevgi va nafrat
Letitsiya tezda umr yo‘ldoshining sevimli qirolichasiga va butun dunyo bo‘ylab eng ko‘p muhokama qilinadigan qirollik vakiliga aylanadi. bo‘ldi. U tez-tez zamonaviy kiyinadigan mashhur ayollar ro‘yxatiga kiritiladi. Qizig‘i shundaki, qirolicha faqat ispan brendlari, masalan Zara va Mango liboslarini kiyishni yaxshi ko‘radi. Ya’ni uning obrazlarini har qanday o‘rtacha maoshli ayol takrorlashi mumkin. Albatta, Letitsiya ba’zan dizaynerlik liboslarida ham paydo bo‘ladi, ammo ularni ko‘pincha qimmat bo‘lmagan aksessuarlar bilan to‘ldiradi.
Yaxshi didi va tejamkorligi uchun Letitsiya “britaniyalik Zolushka” Keyt Middlton bilan taqqoslanadi. Britaniya matbuoti qirollik a’zolarining liboslarini batafsil tahlil qiladi. Biroq ba’zan jurnalistlar ispan qirolichasini juda ko‘p gulli tufli yoki ochiq dekolte uchun tanqid qilishadi.
2008-yilda qirolicha burun devorini to‘g‘rilash uchun rinoplastika qildirgan. Ammo OAV ushbu operatsiyadan so‘ng uning burni tekis va qisqa bo‘lib qolganini tanqid qila boshladi.
Bu ham yetmagandek, Letitsiyaning amakivachchasi David “Xayr, shahzodam” kitobini yozadi. O‘z asarida u Letitsiyaning nikohdan oldingi shaxsiy hayotini yoritadi… Biroq Ispaniya televideniyesiga bergan intervyusida u qarindoshini tanqid qilishni maqsad qilmaganini, faqat monarxiya va mamlakat institutlariga qarshi ekanligini bildiradi.
Ammo barcha bu tanqidlarga qaramay, qirolicha Letitsiya o‘zini qo‘lga oldi. Eng salbiy izohlar ham uni xafa qila olmadi. U har doim tabassum qiladi va mukammal ko‘rinishning uddasidan chiqadi.
Izoh (0)