AQSH HAMAS yetakchilariga ayblovlar e’lon qildi

AQSH Adliya vazirligi HAMAS yetakchilariga terrorizm, qotilikka urinish va sanksiyalardan qochish bo‘yicha ayblov e’lon qildi.

Tergov ma’lumotlariga ko‘ra, ayblovlar HAMAS yetakchilarining 2023-yil 7-oktyabr kuni Isroilda sodir etgan hujumlari, uni qo‘llab-quvvatlash va sodir etishdagi markaziy roli bilan bog‘liq.

“AQSH Adliya vazirligi Yahyo Sinvar va HAMASning boshqa yuqori lavozimli rahbarlariga Amerika fuqarolarini o‘ldirish hamda o‘n yillar mobaynida Qo‘shma Shtatlar milliy xavfsizligiga tahdid soluvchi kampaniyani moliyalashtirish, boshqarish va nazorat qilishda ayblov e’lon qildi”, dedi adliya vaziri va bosh prokurori vazifasini bajaruvchi Merrik Garland.

U 7-oktyabr kuni gumonlanuvchilar 1200 ga yaqin kishini, jumladan, 40 dan ortiq AQSH fuqarosini o‘ldirgan va yuzlab tinch aholini o‘g‘irlab ketganini da’vo qildi.

Ma’lumot o‘rnida, Isroilning G‘azo sektoriga bergan zarbalari oqibatida halok bo‘lganlar soni esa 40 ming kishidan oshib ketgan.