Shahram G‘iyosovning vaznidagi yana bir chempion o‘z kamarini vakant qoldirmoqchi.
_1688886209-I0ZMMZgE.jpg)
Insayder Maykl Bensonning ma’lum qilishicha, yarim o‘rta vazn toifasida IBF kamari sohibi, amerikalik Jeyron Ennis (32-0, 29 KO) kamarini vakant qoldirishi mumkin.
Ennisning promouteri Eddi Hirn WBO chempioni Brayan Norman bilan kelishuvga erisha olmaganidan so‘ng, Sergey Bogachuk bilan aloqaga kirishganini, shuningdek, Jeyronning super yarim o‘rta vazn toifasida sobiq WBA chempioni, hamyurtimiz Isroil Madrimov bilan jangi imkoniyatlari ko‘rib chiqilayotganini ma’lum qildi.
Shuningdek, Bogachuk ham, Madrimov ham super yarim o‘rta vazn toifasida jang qiladi. Ennisning IBF kamariga majburiy da’vogar ayni damda ukrainalik bokschi Karen Chuxajyan hisoblanadi.
Avvalroq, amerikalik yana bir charm qo‘lqop ustasi — Terens Krouford ham yarim o‘rta vazn toifasidagi WBA kamarini vakant qoldirgani haqida xabar berilgandi. Mazkur yo‘nalishdagi chempionlik uchun majburiy da’vogar o‘zbekistonlik Shahram G‘iyosov sanaladi.
Izoh (0)