Ijtimoiy himoya milliy agentligi O‘zbekistondagi yolg‘iz keksalar sonini ma’lum qildi.
![](/static/2024/09/02/keksa-j8N1k0TU.jpg)
Keltirilishicha, 2023-yil 1-sentyabr Yagona milliy ijtimoiy himoya axborot tizimining “Yolg‘iz keksa” moduli ishga tushirilib, unda 2023-yil 1-oktyabr holatiga jami 18 928 nafar o‘zgalar parvarishiga muhtoj yolg‘iz yashovchi hamda yolg‘iz keksalar va nogironligi bo‘lgan shaxslar mavjud bo‘lgan.
2023-yil 1-oktyabr – 2024-yil 31-iyul holatiga reyestrga 4647 nafar o‘zgalar parvarishiga muhtoj shaxs kiritilgan va 6287 nafari reyestrdan chiqarilgan. 2024-yil avgust oyi holatiga ko‘ra, 17 288 nafar o‘zgalar parvarishiga muhtoj shaxs ijtimoiy-maishiy xizmatlardan foydalanib kelmoqda.
Bunda ularning 7939 nafari yolg‘iz yashovchi keksalar, 2306 nafari yolg‘iz yashovchi nogironligi bo‘lgan shaxslar, 4703 nafari yolg‘iz kekslar va 2340 nafari yolg‘iz nogironligi bo‘lgan shaxslar.
“Inson” ijtimoiy xizmatlar markazi xodimlari, ijtimoiy xodim, tuman tibbiyot birlashmasining maxsus monitoring guruhi vakili hamda fuqarolar yig‘ini raisi tomonidan ijtimoiy xizmatlar sifati hamda individual ijtimoiy xizmatlar rejasi natijalari monitoringi olib borilmoqda.
Xususan, monitoring davomida ko‘rsatilgan xizmatlar natijasida shaxslarning o‘zganing yordamiga muhtojlik darajasi kamayganligi va holati yaxshilanishi kuzatilib, quyidagi o‘zgarish kuzatilgan:
- o‘zganing yordamiga ancha bog‘liq bo‘lgan shaxslar (Bartel va Lauton shkalalari bo‘yicha 0–53 ball) avval 780 nafarni tashkil etgan bo‘lgan bo‘lsa monitoring natijasida ularning soni 664 nafarni;
- o‘zganing yordamiga ayon ko‘rinib turgan bog‘liqligi bo‘lgan shaxslar (Bartel va Lauton shkalalari bo‘yicha 54–62 ball) avval 1 045 nafarni tashkil etgan bo‘lgan bo‘lsa monitoring natijasida ularning soni 1 098 nafarni;
- o‘zganing yordamiga mo‘tadil bog‘liq bo‘lgan shaxslar (Bartel va Lauton shkalalari bo‘yicha 63–87 ball) avval 8 597 nafarni tashkil etgan bo‘lgan bo‘lsa monitoring natijasida ularning soni 7 650 nafarni;
- o‘zganing yordamiga ozgina bog‘liq bo‘lgan shaxslar (Bartel va Lauton shkalalari bo‘yicha 88–115 ball) avval 5 625 nafarni tashkil etgan bo‘lgan bo‘lsa monitoring natijasida ularning soni 3 991 nafarni;
- o‘zganing yordami talab etilmaydigan shaxslar (Bartel va Lauton shkalalari bo‘yicha 116 va undan yuqori ball) avval 1 280 nafarni tashkil etgan bo‘lgan bo‘lsa monitoring natijasida ularning soni 540 nafarni tashkil etgan.
Izoh (0)