Kambag‘allikni qisqartirish va bandlik vazirligi rasman ishlayotgan pensionerlar sonini ochiqladi.
“Yagona milliy mehnat tizimi”dan olingan ma’lumotlarga ko‘ra, 27-avgust holatiga rasman ishlayotgan pensionerlar soni 583 785 nafarni tashkil etmoqda. Shundan erkaklar 235 140 nafar (40,3 foiz), ayollar 348 645 nafar (59,7 foiz). Sektorlar bo‘yicha:
- Davlat tashkilotlarida – 243 588 nafar (41,7 foiz);
- Xususiy sektorda – 340 197 nafar (58,3 foiz).
Hududlar kesimida top-5:
- Toshkent shahri – 98 706 nafar (16,9 foiz);
- Toshkent viloyati – 55 030 nafar (9,4 foiz);
- Samarqand viloyati – 50 429 nafar (8,6 foiz);
- Andijon viloyati – 49 102 nafar (8,4 foiz);
- Farg‘ona viloyati – 48 912 nafar (8,3 foiz).
Prezident farmoni bilan O‘zbekistonda 2024-yil 1-sentyabrdan pensiya va nafaqalar miqdori 15 foiz oshiriladi. 1-oktyabrdan davlat tashkilotlari xodimlari, xususan, pedagoglar (oliy taʼlimdan tashqari) va shifokorlar ish haqi 15 foiz, boshqa xodimlar oyligi 10 foiz ko‘tariladi.
Joriy yilning birinchi yarmida O‘zbekistonda o‘rtacha oylik nominal hisoblangan ish haqi 5 million 92 ming so‘mni tashkil etdi. Eng yuqori o‘rtacha ish haqi Toshkent shahri (8,4 million so‘m) va Navoiy (6,6 million so‘m) viloyatida qayd etildi.
Yarim yil davomida mamlakatda o‘rtacha oylik ish haqining eng baland ko‘rsatkichi — bank, sug‘urta, lizing, kredit va vositachilik faoliyati sohasiga to‘g‘ri kelib, 14,4 million so‘mni tashkil etdi. Axborot va aloqa sohasi vakillariga o‘rtacha 12,4 million so‘m, tashish va saqlashga 7,7 million so‘m, sanoat sohasida 6,2 million so‘m to‘langan.
Izoh (0)