Turk film va seriallarida o‘zining obrazi va tabiiy go‘zalligi bilan mashhurlikka erishgan aktrisalar borki, ularning haligacha turmush qurmagani tomoshabinlarni hayratga soladi. Aktrisalarning muxlislari esa yulduzlar shaxsiy hayotini qiziqish bilan kuzatadi. Biroq hozircha ularning to‘yidan darak yo‘q.
Hande Erchel
“Gunesh qizlari”, “Sevgi so‘zlarni tushunmaydi” seriallari orqali tanilgan maftunkor Hande ilk bor ekranlarda ko‘rinishni boshlagandayoq muxlislar e’tiboriga tushgan. “Eshigimni qoq” serialida birgalikda rol ijro etgan Kerem Byursin bilan hayotda ham turmush qurishini fanatlar juda istagan. Yulduzlar hatto bir qancha vaqt uchrashib ham yurgan, biroq ularning munosabatlari shunchaki piar va serial reytingini ko‘tarish uchun bo‘lganligi aniqlangach, muxlislar bundan ranjigan.
Hande Erchel bir kun kelib albatta turmush qurishiga umid bor albatta, chunki aktrisa jurnalistlarga bergan intervyulardan birida onalik haqida ham o‘ylashni boshlaganini aytgan edi.
Jemre Baysel
“Taqdiri o‘yini” seriali suratga olish jarayoni boshida qahramonlar singari ijrochilar ham bir-birini yoqtirib qolgan. Aytach va Jemre turk kinosining eng go‘zal juftliklaridan biri sanalgan edi. Ammo vaqt o‘tib, ular munosabatlari tugaganini e’lon qildi va ikki yil davomida Jemre Baysel hech kim bilan boshqa munosabat qurmadi.
Alina Boz
Alina Boz — tabiiy go‘zalligini yo‘qotmaydigan turk aktrisalaridan biridir. Alina birinchi marta 15 yoshida “Jasur hamshira” loyihasida suratga tushgan. Shundan keyin u reklama roliklarida chiqishda davom etdi. Aktrisa “Mayda narsalar” serialidagi rolidan keyin mashhurlikka erishdi. 26 yoshli Alina hozircha turmush qurish uchun yoshlik qilishini aytgan.
Serenay Sarikaya
Turk aktrisasi va modeli Serenay “Fi Chi Pi”, “Oila” seriallaridagi rollari bilan xalq e’tiboriga tushgan. Aktrisa hozircha oila qurish rejasi yo‘qligini ta’kidlaydi. Serenay bugungi kunda bor kuch va vaqtini karyerasiga bag‘ishlamoqda. Intervyulardan birida u turmushdan ko‘ra karyerani afzal bilishini aytib o‘tgan edi.
Izoh (0)