FillGap International sayti joriy yilning eng go‘zal musulmon ayollar ro‘yxatini e’lon qildi, deb yozmoqda “Thegirl.ru”. 2024-yilda birinchi o‘rin turkiyalik maftunkor aktrisa Hande Erchelga nasib etdi.
Kumush medalni kuvaytlik go‘zal Ravan ibn Husayn oldi, uchinchi o‘rin sohibi esa Burak O‘zchivitning rafiqasi Fahriye Evjen bo‘ldi.
Mazkur reytingdan turk kino yulduzlaridan ko‘plab aktrisalar o‘rin oldi, jumladan, “Muhtasham yuz yil” filmida Xurram obrazi bilan tanilgan Meryem Uzerli to‘rtinchi o‘rinni egalladi.
Qayd etish lozimki, opa-singil Jiji va Bella Hadidlar ushbu go‘zallik reytingida doim yetakchilikni egallab kelgan. Endilikda mashhur modellar Sulton Sulaymonning sobiq rafiqasiga o‘rin berib, beshinchi va oltinchi pog‘onani egallashdi.
Eronlik aktrisa Bahareh Kian Afshar yettinchi, Bollivud yulduzi Zarina Xon sakkizinchi o‘rinni egalladi.
To‘qqizinchi o‘rin Shayx Muhammad ibn Rashid al-Maktumning go‘zal qizi — Shayxa Maraga nasib etdi.
Kuchli o‘ntalikning so‘nggi pog‘onasi Bangladeshlik aktrisa Mehjabin Choudxuriga nasib etdi.
Ammo sharq madaniyati muxlislari tomonidan bunday reyting keskin tanqid qilindi. Ijtimoiy tarmoq foydalanuvchilari fikricha, Hande Erchel, Fahriye Evjen va Meryem Uzerli kabi turk aktrisalari ushbu ro‘yxatdan o‘rin olishga loyiq emas. Chunki uchala aktrisa plastik jarrohlik xizmatidan foydalanib, yuz ko‘rinishiga bir qancha o‘zgartirishlar kiritgan, garchi ular buni doimo inkor etib kelgan bo‘lsa ham.
Izoh (0)