Iste’dodli, muvaffaqiyatli, lekin yolg‘iz: turmushga chiqmagan turk aktrisalari (foto)

Iqtidorli, jozibali, Turkiyada ham, xorijda ham ko‘plab muxlislariga ega mazkur aktrisalar karyerasida omadli bo‘lsa-da, shaxsiy hayotlarini tartibga sololmagan.

Feliz Ahmet (40 yosh)

“Muhtasham yuz yil” teleserialidan tanilgan Feliz Ahmet taqdirini bog‘lay oladigan odamni hali uchratmaganini aytadi. Ijodiy faoliyati davomida aktrisa 13 ta loyihada ishtirok etgan. So‘nggi “Profit” seriali 2019-yilda chiqdi.

Feliz darhol aktrisalik kasbini tanlamagan. Bu qarorga kelishdan oldin u tibbiyot litseyini tamomlagan. Ammo teatrga ishtiyoqmand bo‘lib, litseyni tugatgach, professional ta’lim olishga va aktrisa bo‘lishga qaror qiladi. U Makedoniyadagi Tasviriy sanʼat akademiyasida o‘qigan, so‘ngra Turkiyaga ko‘chib o‘tgan va o‘z faoliyatini sahna aktrisasi sifatida boshlagan, so‘ngra filmlarda rol o‘ynay boshlagan.

Aktrisa 4 ta — shved, ingliz, makedon, turk tillarida erkin so‘zlashadi. U sayohat qilishni yaxshi ko‘radi. Yolg‘izligining sababini u band bo‘lgan ish tartibi, har yili yangi loyiha deb biladi. Bundan tashqari, u haqiqiy do‘sti va umr yo‘ldoshiga aylanadigan odam bilan uchrashishni orzu qiladi.

Jansu Dere (41 yosh)

Jansu Dere nafaqat go‘zal ayol, balki mashhur aktrisa hamdir. Jansu o‘z faoliyatini podium va go‘zallik tanlovlarida qatnashishdan boshlagan. U taniqli dizaynerlar bilan hamkorlik qildi, uning fotosuratlari ko‘pincha mashhur jurnallarning muqovalarini bezab turardi.

Model sifatidagi karyerasidan keyin uni filmlar va teleseriallarda suratga tushishga taklif qilina boshlashadi. Uning 2003-yilda boshlangan aktrisalik faoliyatini muvaffaqiyatli deb hisoblash mumkin. 2021-yilda Jansu Lotin Amerikasining Produ Awards mukofotini ispan bo‘lmagan eng yaxshi aktrisa sifatida qo‘lga kiritadi.

6 yil davomida Jansu ishdagi hamkasbi Jem Yilmaz bilan uchrashadi, ammo shiddatli romantika ajralish bilan yakunlanadi. Qisqa vaqt ichida aktrisa media direktori Jem Oydin bilan munosabat o‘rnatadi. Garchi keyinchalik birga bo‘lolmagan bo‘lsalar ham, u Jansuning “Muhtasham yuz yil” filmida rol o‘ynashiga yordam beradi.

“Muhtasham yuz yil”ning suratga olish jarayonida aktrisaning serialdagi hamkasbi Halit Ergench bilan ham ishqiy munosabatda bo‘lgani haqida mish-mishlar tarqaladi, biroq aktrisa bu mish-mishlarni darhol rad etadi. Berguzar Korel ham uni qo‘llab-quvvatlab, Jansu bilan opa-singildek ekanini aytadi.

Deniz Chaqir (39 yosh)

Deniz maktabni tugatgach, o‘z shahridagi teatr akademiyasiga o‘qishga kiradi, so‘ngra davlat teatr universitetida o‘qishni davom ettiradi. U 2004 yilda aktyorlik faoliyatini boshlagan va ijodiy faoliyati davomida 14 ta loyihada ishtirok etgan. U “Xazonrezgi”, “Muhtasham yuz yil”, “Mafiya dunyoni boshqarolmaydi” seriallarida rol o‘ynagan.

Aktrisa shaxsiy hayoti haqida gapirishni yoqtirmaydi, lekin unga bog‘liq ba’zi jihatlar hammaga ma’lum. “Xazonrezgi” serialini suratga olish jarayonida Chaqir hamkasbi Nikhat Oltinkaya bilan uchrasha boshlaydi. Uzoq muddatli munosabatlarga qaramay (2 yildan ortiq), noma‘lum sabablarga ko‘ra ularning orasi buziladi.

Deniz ikkinchi marta “Iffat” loyihasida rol o‘ynagan aktyor Ibrohim Chelikkol bilan omadini sinab ko‘radi. Munosabat uch yil davom etadi va Chaqir Ibrohimning xiyonati haqida bilgach, hammasiga nuqta qo‘yadi.

Shuningdek, u aktyor Firat Doruo‘g‘li bilan ham uchrashib yurgan, ammo munosabatlar to‘ygacha yetib bormagan.

2015-yilda uni “Mafiya dunyoni boshqarolmaydi” teleserialidagi hamkasbi Okati Kaynarja bilan ko‘rishadi. Ssenariyga ko‘ra, ularning qahramonlari bir-biriga oshiq bo‘lishi kerak, ammo aktyorlar o‘zaro munosabatlarini haqiqiy hayotga olib kirishgan. Ammo tez orada juftlik ajralishadi.

Afsuski, aktrisaning shaxsiy hayoti uning karyerasi kabi muvaffaqiyatli emas, u haligacha turmushga chiqmagan. Chakir o‘z intervyusida nikohining bir-biriga bo‘lgan ishonch va hurmat asosida qurilishini istashini aytadi. Ko‘rinishidan, aktrisa o‘zi ishonadigan odamni uchratmagan.

Mine Tugay (43 yosh)

“Qulupnay hidi” serialidagi maftunkor Elchin, “To‘lqin”dagi mehribon Ender, “Zolim Istanbul”dagi shijoatli Sheniz Karachay. Uning filmografiyasi 24 ta loyihani o‘z ichiga oladi.

Mine hamisha aktrisa bo‘lishni orzu qilar, litseyda o‘qib yurgan chog‘ida ham teatr spektakllarida faol ishtirok etgan. Litseyni tugatgach, Istanbul universitetining aktyorlik fakultetida o‘qishni davom ettiradi. U o‘zining 15 yillik ijodiy faoliyatini Istanbuldagi “Samovar” teatrida ishlashga bag‘ishlagan va bir qator teatr mukofotlariga sazovor bo‘lgan.

2002-yilda u “Gulbayoz” mini-serialida Bashak rolida debyut qiladi. O‘shandan beri u har yili teleseriallar va filmlarda rol o‘ynaydi.

Mine shaxsiy hayoti haqida gapirishni istamaydi. Aktrisa o‘zini ijodga fidokorona bag‘ishlab, karyerasini muvaffaqiyatli qurmoqda. Tig‘iz ish jadvali tufayli shaxsiy hayoti uchun vaqti yo‘q. Shuni ta‘kidlash kerakki, aktrisaning munosabatlari haqida juda kam ma‘lumot mavjud. 43 yoshli turk kino yulduzi turmushga chiqmagan. Mine To‘g‘ay yoshiga qaraganda ajoyib ko‘rinadi.