Bugun O‘zbekiston prezidenti Shavkat Mirziyoyevning farmoni bilan Qozog‘istonning davlat va jamoat arboblaridan bir guruhi “Do‘stlik” ordeni bilan mukofotlangani haqida xabar berilgandi.
Jumladan, Qozog‘iston davlat maslahatchisi Yerlan Karin, prezident yordamchisi Ruslan Jeldibay, bosh vazir muovini Serik Jumangarin, madaniyat va axborot vaziri Aida Balayeva, Qozog‘istonning O‘zbekistondagi elchisi Beybut Atamkulov, Qozog‘istondagi o‘zbek etnomadaniy birlashmalari uyushmasining raisi Ikrom Hoshimjonov mukofotlandi.
Prezident yordamchisi Saida Mirziyoyeva mazkur qaror nihoyatda diqqatga sazovor ekanini aytib o‘tdi.
“O‘zbekiston oliy davlat mukofotlari qozog‘istonlik hamkasblarimizga berilgani nihoyatda diqqatga sazovordir! Rahbarlarimizning siyosiy irodasi tufayli O‘zbekiston va Qozog‘iston serqirra ittifoqdoshlik munosabatlarini rivojlantirmoqda.
Biz doim birga bo‘lishimiz kerak. Hamkorlik qilsak, davlatlarimiz yanada gullab-yashnaydi, xalqlarimizning turmushi farovon bo‘ladi”, deb yozdi Saida Mirziyoyeva.
Izoh (0)