Бугун Ўзбекистон президенти Шавкат Мирзиёевнинг фармони билан Қозоғистоннинг давлат ва жамоат арбобларидан бир гуруҳи “Дўстлик” ордени билан мукофотлангани ҳақида хабар берилганди.
Жумладан, Қозоғистон давлат маслаҳатчиси Ерлан Карин, президент ёрдамчиси Руслан Желдибай, бош вазир муовини Серик Жумангарин, маданият ва ахборот вазири Аида Балаева, Қозоғистоннинг Ўзбекистондаги элчиси Бейбут Атамкулов, Қозоғистондаги ўзбек этномаданий бирлашмалари уюшмасининг раиси Икром Ҳошимжонов мукофотланди.
Президент ёрдамчиси Саида Мирзиёева мазкур қарор ниҳоятда диққатга сазовор эканини айтиб ўтди.
“Ўзбекистон олий давлат мукофотлари қозоғистонлик ҳамкасбларимизга берилгани ниҳоятда диққатга сазовордир! Раҳбарларимизнинг сиёсий иродаси туфайли Ўзбекистон ва Қозоғистон серқирра иттифоқдошлик муносабатларини ривожлантирмоқда.
Биз доим бирга бўлишимиз керак. Ҳамкорлик қилсак, давлатларимиз янада гуллаб-яшнайди, халқларимизнинг турмуши фаровон бўлади”, деб ёзди Саида Мирзиёева.
Изоҳ (0)