Andijon viloyati Xo‘jaobod tumanida yashovchi D.B. ikki ayolidan tug‘ilgan jami uch nafar farzandi uchun aliment to‘lamay yurgani aniqlandi. Bu haqda Majburiy ijro byurosi “Daryo”ga ma’lum qildi.
“Fuqarolik ishlari bo‘yicha Asaka tumanlararo sudining 2017-yil 3-avgustdagi buyrug‘iga ko‘ra, qarzdor D.B.dan undiruvchi F.R. foydasiga bir nafar farzandi uchun, yana bir ijro hujjatiga asosan undiruvchi M.B. foydasiga ikki nafar farzandi uchun aliment to‘lashi belgilangan.
Biroq qarzdor ota ikki ayoliga ham bolalari ta’minoti uchun aliment to‘lamasdan kelgan. Hujjatlarga ko‘ra, qarzdorning hozirda jami 53 million so‘mdan ziyod aliment qarzi mavjud. Shu sababli byuroning Xo‘jaobod tuman bo‘limi davlat ijrochisi tomonidan qarzdorning egaligida Cobalt mashinasi borligi aniqlanib, aliment qarzi uchun xatlab qo‘yildi.
Qarzdor ota farzandlari alimenti uchun tegishli mablag‘ni to‘lamagan taqdirda avtomashina kimoshdi savdosiga qo‘yilib, voyaga yetmagan shaxslarning manfaatlari himoya qilinishi ta’minlanadi”, deyiladi xabarda.
Izoh (0)