O‘zbekiston prezidenti Shavkat Mirziyoyev farmoni bilan Qozog‘iston davlat va jamoat arboblaridan bir guruhini “Do‘stlik” ordeni bilan mukofotlandi.
Mukofotlanganlar ro‘yxati:
- Karin Yerlan Tinimbayuli — Qozog‘iston davlat maslahatchisi;
- Jeldibay Ruslan Sultanuli — Qozog‘iston prezidentining ichki siyosat va kommunikatsiya masalalari bo‘yicha yordamchisi;
- Jumangarin Serik Makashevich — Qozog‘iston bosh vaziri o‘rinbosari;
- Balayeva Aida Galimovna — Qozog‘iston madaniyat va axborot vaziri;
- Atamkulov Beybut Bakirovich — Qozog‘istonning O‘zbekistondagi elchisi;
- Xashimjanov Ikram Akramovich — Qozog‘iston O‘zbeklar etnomadaniy birlashmalari uyushmasi raisi.
Farmonda qayd etilishicha, ular O‘zbekiston va Qozog‘iston o‘rtasidagi o‘zaro hurmat va ishonch, yaxshi qo‘shnichilik va strategik sheriklik munosabatlarini yangi bosqichga ko‘tarish, siyosiy, ijtimoiy-iqtisodiy, madaniy-gumanitar hamkorlikni amaliy maʼno-mazmun hamda muhim tashabbuslar bilan boyitish, ustuvor yo‘nalishlardagi aloqalarni kengaytirish va har tomonlama rivojlantirish, qo‘shma loyihalarni faol ilgari surishga qo‘shgan shaxsiy hissasi, shuningdek, mamlakatlar xalqlarining ko‘p asrlik do‘stligi va hamjihatligini yanada mustahkamlash yo‘lidagi ulkan xizmatlari uchun mukofotlandi.
Izoh (0)