Biror inson aslida qanday ekanini bilmoqchi bo‘lsangiz, u bilan birga ishlab ko‘ring, degan naql bor. Biz ekranlarda ko‘rgan qahramonlar ham ish faoliyati davomida nafaqat o‘zlari qattiq stressga tushadi, balki atrofdagi insonlarga ham jahl ustida ko‘p ziyon yetkazib qo‘yish holatlari ham bo‘lib turadi.
Shahzoda Garri va Megan Markl
Britaniya qirollik oilasi a’zolari shahzoda Garri va uning rafiqasi Megan Marklning menejerlari o‘z lavozimida uch oy ham ishlay olmaydi va ko‘pincha ishni tashlab ketishga majbur bo‘ladi. Ma’lumotlarga ko‘ra, 2018-yilda turmush qurgan er-xotinning xarakteri o‘ta injiq bo‘lib, shu vaqtgacha ular shaxsiy menejerini kamida 18 marta o‘zgartirgan. Aslida, marhum qirolicha Yelizaveta davrida saroyda uzoq yillar davomida bir joyda ishlash va qirollik tojiga sodiqlik bilan xizmat qilish katta sharaf bo‘lgan.
Qirollikda Megan va Garri bilan ishlagan sobiq xodimlardan biri Daily Mail nashriga shunday deydi:
Ular bilan ishlagan biror eski xodimdan shu ishga qaytib kelgan bo‘larmidingiz, deb so‘rasangiz, barchaning javobi albatta “yo‘q” bo‘ladi. Eng qizig‘i, ish tashlaganlar oddiy inson emas, balki o‘z ishining professional ustalari bo‘lgan.
Merayya Kerri
Xonanda Merayya Kerri nafaqat o‘zining ajoyib ovozi va vokal qobiliyatlari, balki murakkab fe’l-atvori bilan ham tanilgan. U doim o‘zi uchun o‘zgacha shart-sharoitlar bo‘lishini talab qiladi, konsert va gastrol tashkilotchilari tomonidan taqdim etilgan taklif va xizmatlardan norozi bo‘lib, kamchilik qidiradi. Bundan tashqari, Merayya tadbirlarga tez-tez kechikib keladi.
Sheron Stoun
Sheron Stounning o‘ta talabchanligi, qo‘l ostidagi xodimlarga nisbatan shafqatsizligi va qattiqqo‘lligi tufayli yulduz bilan ishlash juda qiyindir. Uni suratga olish maydonchasidagi eng murakkab xarakterli ayol sifatida tanishadi.
Sheron o‘zining sheriklari va xodimlarini doimo qattiq tanqid qiladi, shu sababli aktrisa bilan ishlash jarayoni barcha uchun stressli kechadi. Ammo shuni ta’kidlash joizki, Stoun o‘ziga nisbatan ham o‘ta talabchandir. Agar biror kadr rejissyorlar istaganidek chiqmasa, u o‘z rolini qayta-qayta o‘ynashga va film ideal chiqishi uchun tashkilotchilarga yordam berishga doim tayyor turadi.
Rassell Krou
Aktyor o‘zining murakkab va janjalkash fe’l-atvori tufayli bir necha bor e’tiborga tushgan. Masalan, Rassel 2005-yilda mehmonxona xodimiga hujum qilgani uchun hibsga olingan. Bundan tashqari, u hamkasblari va direktorlari bilan doimiy janjallar va turli nizolarga to‘la muhitda ishlaydi.
Naomi Kempbell
Dunyodagi eng mashhur supermodellardan biri Naomi Kempbell podiumdagi yutuqlari bilan birga o‘zining qaysar xarakteri bilan ham tanilgan. U birdan yonib o‘chadigan olov kabi temperamentga ega. Masalan, Naomi o‘zining yordamchisi va qo‘l ostidagi ishchilariga hujum qilganlikda ayblangan va hibsga olingan. Natijada u bir necha bor sud jarayonlarida qatnashgan va jarima to‘lashga majbur bo‘lgan. Bundan tashqari, aktrisa suratga tushish maydoniga doimo kechikadi va hech qanday tanqidga toqat qila olmaydi.
Izoh (0)