Anjelina Joli
Gollivud yulduzi Anjelinaning vazn tashlashi bilan bog‘liq turli fikrlar mavjud. Aktrisani oqlovchilar Bred Pitt unga xiyonat qilganidan keyin qattiq stress oqibatida vazn tashlagan degan fikr bildirsa, Bredning muxlislari aktrisa Bred bilan ajrashishdan oldin ozishni boshlagan, degan taxminni aytadi. Sababi nima bo‘lgan taqdirda ham, bir narsa aniq, birdaniga ozib ketish Joliga umuman yarashmagan.
Mettyu Makkonexi
Aktyor “Dallas xaridorlar klubi” filmida suratga tushish uchun katta vazn tashlashga majbur bo‘lgan. U filmda OITSga chalinib vafot etadigan qahramonni gavdalantirgan.
Kira Naytli
Kira Naytlining onasi aktrisaning qotmaligi otasidan o‘tgani hamda avvaldan ozg‘in bo‘lganini ta’kidlaydi. Lekin “Karib dengizi qaroqchilari” filmidagi roli suratlariga qarab, bunga shubha tug‘ilishi aniq.
Kristian Beyl
Kristian ham Mettyu singari rol uchun vazn tashlashiga to‘g‘ri kelgan. Lekin vazn tashlaganidan keyin salomatligi bilan jiddiy muammolar kuzatilgan va aktyor boshqa hech qachon rol uchun bunday yo‘l tutib, sog‘lig‘ini xavfga qo‘ymasligini bildirgan.
Deniz Richards
Richardsning vazn tashlashi sababi ham Jolinikiga o‘xshash. Deniz bir vaqtlar Charli Shinning turmush o‘rtog‘i bo‘lgan. Charli bilan bog‘liq muammo va tashvishlar uning ozib ketishiga olib kelgan.
Izoh (0)