Ilkay Gyundogan Premyer Ligaga qaytmoqda. Gallaher esa London shahridan Madrid jamoasiga ko‘chib o‘tdi. Bu haqda Fabritsio Romano xabar bermoqda.
33 yoshli yarim himoyachi Gyundogan “Barselona” bilan shartnomani bekor qildi va erkin agent sifatida Angliyaning “Manchester Siti” klubiga o‘tdi.
Germaniyalik futbolchi 2016-yildan 2023-yilgacha “shaharliklar” safida o‘ynagan va o‘tgan yozda Ispaniyaning “Barselona” safiga qo‘shilgandi.
Kataloniyaliklar safida 35 o‘yinda qatnashgan futbolchi 5 ta gol urdi va 8 ta golli uzatmani amalga oshirdi.
Ispaniyaning “Atletiko” klubi Londonning “Chelsi” klubi yarim himoyachisi Konor Gallaher transferini e’lon qildi.
Madrid klubi angliyalik futbolchi bilan 2029-yilga qadar shartnoma imzoladi.
Insayder Fabritsio Romano xabariga ko‘ra, Konor Gallaherning transferi uchun Madrid klubi London jamoasi hisob raqamiga 42 million yevro o‘tkazib beradi.
Ma’lumot uchun, Gallaher o‘tgan mavsumda jami 50 o‘yinda maydonga tushib, 7 ta gol va 9 ta assistga mualliflik qilgan.
Avvalroq Gallaher ba’zi muammolar sabab futbolchi Madriddagi mehmonxonada 5 kun yashab Londonga qaytishga majbur bo‘lgani xabar qilingandi.
Izoh (0)