Germaniyalik yarim himoyachi Ilkay Gyundogan faoliyatini Qatarda davom ettirishi mumkin.
“As-Sadd” “Barselona” yarim himoyachisiga uch yillik shartnoma taklif qildi, deb xabar beradi Mundo Deportivo TV3 telekanaliga tayanib. Futbolchi bu taklifni ko‘rib chiqishini aytgan.
Ma’lum qilinishicha, 33 yoshli futbolchi bu vaziyatdan foydalanib, “Barselona” bilan shartnomasi shartlarini yaxshilash hamda o‘z maoshini oshirib ko‘rishga urinib ko‘rishi mumkin. “Barselona” klubining moliyaviy ahvoli hozirgi paytda biror futbolchining oyligini oshira olish imkoniyatiga ega emas.
Ilkayning Kataloniya klubi bilan shartnomasi 2025-yilgacha mo‘ljallangan va klub shartnomani bir mavsumga uzaytirish imkoniyatini saqlab qoladi.
Izoh (0)